د بهرنیو اړیکو او بورسونو د تنظیم ریاست خبرتبا!

د اندونیزیا UNISA پوهنتون د ۱۴۰۰ کال لپاره د لېسانس او ماسټري په کچه د یو شمېر بورسونو خبر ورکوي چې ۲۰ هغه یې په لاندې شرایطو دي. 

د بورسونو لپاره د اړتیا وړ اسناد او شرایط:

•          عکس چې شالید (بکګرونډ) یې سور وي او پاسپورټ چې د باور وخت یې لږ تر لږه ۲ کاله وي.

•          شهادتپاڼه او د ښوونځي دورې درې کلنې نومرې چې د لېسانس لپاره د نومرو سلنه لږ تر لږه ۷۰ وي او اړوند ادارو تایید کړې وي.

•          ډیپلوم او د نومرو ټرانسکرېپ، د ماسټري لپاره د نومرو سلنه باید له ۶۵ کمه نه وي او اړوندو ادارو باید تایید کړې وي.

•          د تابعیت پېژندپاڼې لرل او همدارنګه داوطلب باید د اندونیزیا نه وي.

•          د داوطلب ټول اسناد باید په انګرېزي ژبه ژباړل شوي وي.

•          د لېسانس دورې لپاره د نوماند عمر باید له ۲۵کلونو او د ماسټري لپاره باید له ۳۵ کلونو کم نه وي.

•          نوملیکنه په انلاین توګه په http://oia.unesa.ac.id/  https://unesa.ac.id / or  وېبپاڼه کې کېږي.

•          د نوملیکنې وروستۍ نېټه د ۲۰۲۱کال، د اګېسټ لومړۍ ده چې د ۱۴۰۰کال د چنګاښ له ۱۰ سره سمون لري.

•          د غوښتنې د فورم او نورو اړوندو اسنادو لېږد، په مستقیم ډول پخپله د داوطلب له لوري، په انلاین توګه له http://oia.unesa.ac.id/   https://unesa.ac.id/  or لینک څخه تر سره کېږي.

•          د شرایطو وړ داوطلبان کولی شي د یادو بورسونو په اړه د لا زیاتو معلوماتو لپاره Email:international_offce@unesa.ac.id برېښنالیک او یا 623199423006  + و  6287851437664+ شمېرو سره په اړیکه کې شي.

د بورسونو امتیازونه:

د پوهنتون د فیس لګښت د ژبې د زده کړې فیس او د اوسېدو ځای وړیا دی او مدد معاش د ا.ا.ج پر غاړه دی.

نو ټولو د شرایطو وړ داوطلبانو ته خبر ورکول کېږي چې که غواړي د یاد هېواد تحصیلي بورسونو ته نوملیکنه وکړي، داوطلبان کولای شي په یاده وېبپاڼه کې له انلاین نوملیکنې سربېره د نوملیکنې او فورم تر لاسه کولو لپاره د لوړو زده کړو وزارت د منښت ۲۱ غرفې ته د یادو اسنادو له اصل سره مراجعه وکړي او خپل اسناد د ۲۰۲۱ کال جولای تر ۲۶مې بېرته وسپاري چې د ۱۴۰۰ کال د زمري له ۴مې سره سمون لري.

د بورس د ضمایمو کاپي د لاسرسي وړ ده.

دانلود