د لوړو زده کړو وزارت مالي او اداري معین او ورسره مل پلاوي نیمروز ولایت ته د کاري سفر په ترڅ کې د نیمروز لوړو زده کړو مؤسسې څخه لیدنه وکړه.
د لوړو زده کړو وزارت مالي او اداري معین مولوي حافظ محمد حامد حسیب د نیمروز لوړو زده کړو مؤسسې له درسي صنفونو، لابراتوار، کتابتون، اداري خونو او نورو برخو څخه لیدنه وکړه او د یادې مؤسسې له مشرتابه پلاوي سره یې وکتل.
په دې لیدنه کې د نیمروز لوړو زده کړو مؤسسې رئیس مولوي محمد صدیق بني کمال د یادې مؤسسې ستونزې لکه؛ د تشکیلاتو کمښت او د مؤسسې د ودانۍ جوړول او ځينې نورې اړتیاوې د لوړو زده کړو وزارت له مالي او اداري معین سره شریکې کړې، چې د معین صاحب له لوري د همکارۍ ژمنه ورسره وشوه.
همدارنګه د لوړو زده کړو وزارت مالي او اداري معین د یاد سفر په لړ کې د نیمروز ولایت د علماء شورا له یو شمېرو غړو سره هم وکتل او خبرې یې ورسره وکړې.
