د افغانستان لوړې زده کړې د پرمختګ او نړیوال اعتبار نوي پړاو ته داخليږي

Azizorayakhel.admin
چهارشنبه ۱۳۹۸/۱۱/۲۳ - ۹:۵۹
123

د توکیو ۲۰۱۱ کنوانسیون سره د افغانستان الحاق د هېواد د کابینې له لوري تایید شو.
د توکیو ۲۰۱۱ کنوانسیون د آسیا او آرام سمندر په حوزه کې د وړتياوو او تحصيلي مدارکو د پيژندنې لپاره علمي میثاق دی.
د لوړو زده کړو په تاریخ کې دا لومړی ځل دی چې افغانستان د یونیسکو له یو معتبر کنوانسیون سره ملحق کیږي، تر څو د تحصيلي اسنادو په رسمیت پيژندلو او د هیواد د پوهنتونو او لوړو زده کړو موسساتو د وړتياوو په رسمیت پیژندلو کې آسانتيا رامنځته کړي.
د لوړو زده کړو سرپرست وزیر او علمي مرستیال پوهنمل عبدالتواب بالاکرزي وایې: "د توکیو ۲۰۱۱ کنوانسیون کې د افغانستان غړيتوب د کنوانسیون له خدمتونو او فعالیتونو څخه په ګټې اخیستنې د هېواد لوړو زده کړو د ښه والي لامل کيږي او په پای کې د افغانستان تحصيلي خدمتونو د وړاندې کولو او معیاري کولو په برخه کې آسانتياوې رامنځته کوي".
له دې کنوانسیون سره ملحق کیدل په هیواد کې اړوندې ادارې په یو لړ فعالیتونو مکلفوي، د هغو له جملې څخه د تحصیلي معلوماتي ملي مرکز جوړول او پراختيا چې په هغه کې به د پوهنتونو او لوړو زده کړو موسساتو ټولو قوانینو، مقرراتو، لوايحو، طرزالعملونو او د هیواد تحصيلي سيسټم او د وړتياوو د تثبيت چوکاټ پراختيا NQF ته لنډه کتنه تر سره کیږي او په پایله کې به د تحصيلي سيسټم د اوچتوالي لامل او د هغه وړتیاوې او مدارک له نړیوال اعتبار څخه برخمن کیږي.
د لوړو زده کړو د پرمختګ لپاره د بشري بالقوه وړتیا څخه د زیاتې استفادې په موخه د کنوانسیون د غړو همکاري، د لوړو زده کړو مدارکو ارزونه، پیژندنه او په رسمیت پیژندل، د محصلينو او علمي کادر غړو نړیوال خوځښت، د اکاډميکو تجربو تبادله، د يونيسكو په شمول له ټولو کنوانسیونو سره په نړیوالو همکاریو کې فعاله ونډه اخیستنه، د اړخونو تر منځ د اکاډمیک خوځښت دودول ددې کنوانسیون له موخو څخه ګڼل کیږي.
د لوړو زده کړو برنامو په ځانګړي ډول د کیفیت تضمين او اعتبار ورکول، تحصيلي نصاب، علمي څیړنې، انلاين زده کړې او د هیواد نور اکاډمیک فعالیتونه ددې کنوانسیون د الحاق د مکلفيتونو له لړۍ څخه بلل کیږي او د نړیوالي ټولنې د همکارۍ او پلوۍ فرصت به په وړاندې ولري.
د یادولو وړ ده چې د لوړو زده کړو نظام د کیفي لوړتیا او معیاري کولو په موخه د لوړو زده کړو وزارت د رهبري هئيت هڅو او د هیواد د جمهوري ریاست مقام ملاتړ ته په پام، د توکیو ۲۰۱۱ کنوانسیون کې د افغانستان الحاق کولی شي یوه لویه لاسته راوړنه او د افغانستان د لوړو زده کړو په ۸۷ کلن تاريخ کې د عطف نقطه وګڼل شي.
لوړو زده کړو وزارت په دې برخه کې د افغانستان جلالتمآب ولسمشر او بهرنیو چارو او عدليې وزارتونو له ملاتړ څخه مننه کوي.

تازه ترین اخبار

پنجشنبه ۱۳۹۹/۳/۸ - ۱۶:۳۲
Background image

تغییرات و تبدلات جدید در ادارات وزارت تحصیلات عالی صورت گرفت

بر مبنی اسناد تقنینی، پرنسیب های علمی و روال اکادمیک در مطابقت به قانون تحصیلات عالی ملکی و تکمیل ماموریت عده یی از همکاران در بست های مربوط شان، یک سلسله تغییرات و تبدلات در ادارات. . .

چهارشنبه ۱۳۹۹/۲/۱۷ - ۱۵:۲
Background image

سیستم مدیریت آموزش تحصیلات عالی (HELMS) امروز رسماً از سوی جلالتمآب رییس جمهور کشور افتتاح شد

در نشستی که به این منظور از طریق ویدیو کنفرانس صورت گرفت جلالتمآب محمد اشرف غنی رییس جمهور کشور، از اساتید و رهبری وزارت تحصیلات عالی که توانستند در کمترین مدت و با کمترین هزینه سیستم. . .

شنبه ۱۳۹۹/۲/۱۳ - ۱۳:۱
Background image

پوهنتون علوم طبی کابل (ابوعلی ابن‌سینا) موفق به ساخت دستگاه تنفس مصنوعی (Ventilator) گردید

تیم تخنیکی آمریت کمیونتی کالج تکنالوژی و ترمیم تجهیزات طبی، پوهنتون علوم طبی کابل (ابوعلی ابن‌سینا) موفق به ساخت دستگاه تنفس مصنوعی (Ventilator) با استفاده از مواد قابل دریافت در مارکیت. . .

BACK TO NEWS