د ماسټرۍ په کچه د اندونیزیا هېواد اسلام ملنګ پوهنتون تحصیلي بورسیو خبرتیا
Due
-
د اندونیزیا هېواد اسلام ملنګ پوهنتون د ۱۴۰۰ کال لپاره د افغانستان ځوانانو ته په بېلابېلو کچو کې د (۴) تحصیلي بورسیو خبر ورکړی چې دوه یې د ماسټرۍ په کچه دي.
د بورسیې شرایط:
۰ د نوماند د لېسانس دورې د نومرو سلنه باید له ۶۵٪ څخه ټیټه نه وي.
۰ د پاسپورټ سکن چې لږ تر لږه ۲ کاله د اعتبار وړ وي.
۰ ټول اسناد یې په انګرېزي ژبه ژباړل شوي وي.
۰ د لوړو زده کړو لخوا تایید شوی ډیپلوم او ټرانسکرېپټ ولري.
۰ د اندونیزیا ښاروند نه وي.
۰ د پوهنتون فیس، د ژبې زدکړې فیس، د استوګنې ځای، روغتیایي بیمه، د پوهنتون داخله وړیا دي.
۰ نوملیکنه په انلاین ډول په http://unisma.ac.id وېبسایټ کې کېږي، د نوملیکنې وروستۍ نېټه د ۲۰۲۱ کال جولای میاشتې ۱۵مه ده چې د ۱۴۰۰ کال د چنګاښ ۲۴مه کېږي، تر ټاکلې نېټې وروسته نوملیکنه نه منل کېږي.
۰ د یادې بورسیې په هکله د لا زیاتو معلوماتو لپاره humas@unisma.ac.id برېښنالیک ته اړیکه ونیسئ.
ټولو په شرایطو برابرو لېوالو کسانو ته خبر ورکول کېږي چې که چېرې غواړي یادې بورسیې ته نوملیکنه وکړي نو په یاد وېبسایټ کې د آنلاین نوملیکنې پروسې له بشپړولو سربېره د لازمو فورمونو ترلاسه کولو لپاره د لوړو زده کړو وزارت د منښت عمومي دفتر ۲۱مې غرفې ته د یادو اسنادو له اصل سره ورشي، او د ۲۰۲۱ کال د جولای ۵مې پورې چې د ۱۴۰۰ کال د چنګاښ ۱۴مه کېږي، خپل اسناد بېرته وسپاري.
د لازیاتو معلوماتو لپاره لاندې لېنک کېکاږئ.