د لوړو زده کړو سرپرست وزیر د بامیانو والي سره د هغه په کاري دفتر کې ولیدل

baqir_hiadari
دوشنبه ۱۳۹۸/۹/۱۱ - ۷:۳۷
دیدار با والی با میان

د لوړو زده کړو سرپرست وزیر او علمي مرستیال پوهنمل عبدالتواب بالاکرزي د ولايتي سفرونو په ترڅ کې دا ځل بامیان ولایت ته ولاړ او د هغه ولایت له والي محمد طاهر زهیر سره د لیدني ترڅنګ يې په ياد ولایت کې د باميکا لوړو زده کړو خصوصي موسسې څخه هم لیدنه وکړه.

په دې ليدنه کې دواړو خواو د باميان پوهنتون پر وضعیت او د دې پوهنتون په وده کې د محلي او مرکزي ادارو پر هڅو رڼا واچوله.

د بامیان والي محمد طاهر زهیر د لوړو زده کړو وزیر او ورسره راغلي پلاوي ته د ښه راغلاست ترڅنګ داسې وویل: «ښاغلی وزیر صاحب مننه چې بامیان ولایت ته مو د مهمو پروژو د پرانستلو لپاره تشریف راوړئ، دغه پروژې د بامیان د خلکو لپاره ډېرې حياتي او ګټورې دي

دیدار با والی بامیان

د لوړو زده کړو سرپرست وزیر او علمي مرستیال پوهنمل عبدالتواب بالاکرزي په خپلو خبرو کې وویل، چې د افغانستان په مرکزي برخه کې بامیان پوهنتون یو له سترو پوهنتونو څخه دی چې په دې ساحه کې د نورو تحصیلی بنسټونو لپاره د مور پوهنتون حیثیت لري.

نوموړي همداراز د لوړو زده کړو وزارت کړنو ته په اشارې سره وويل: «اوسمهال لوړو زده کړو وزارت د کمیت پرځای کیفیت ته مخه کړې، چې له نیکمرغه په تېرو دوو کلونو کې زموږ ټولې پاليسۍ کیفیت محوره او د پوهنتونو اساسي اړتياو ته پاملرنه وه

د یاد سفر په جریان کې د لوړو زده کړو سرپرست وزیر او مل پلاوي د بامیانو ولایت له يواځینۍ خصوصي تحصیلي موسسې بامیکا څخه هم لیدنه وکړه.

د لوړو زده کړو وزیر د بامیکا خصوصي تحصيلي موسسې رهبري ته لارښوونه وکړه، چې د علمي کادر غړو د جذب لایحې د تطبیق، د کیفیت د تضمين په پروسه کې د داخليدو او د استادانو د شغلي مصؤنیت په برخه کې دې جدي پاملرنه وکړي.

د یادونې وړ ده چې د بامیانو والي ښاغلي زهیر له کابل څخه بامیانو ته د تللي پلاوي د درناوي په موخه یوه فرهنګي غونډه او میلمستیا چمتو کړې وه، چې د یاد ولایت یو شمېر ځوانانو او فرهنګپالو پکې د شعرونو په لوستلو او د محلي موسیقۍ په غږولو سره د ګډونوالو ادبي تنده خړوبه کړه.

ارزیابی موسسه تحصیلات عالی با میکا

باید وویل شي، چې د لوړو زده کړو سرپرست وزیر ښاغلي بالاکرزي ولایتي سفرونه ادامه لري او راتلونکې اونۍ به د یوه بل ولایت د پوهنتونو وضعیت له نږدې وڅاري.

تازه ترین اخبار

دوشنبه ۱۳۹۹/۵/۲۰ - ۴:۴۲
Background image

چهار پروژه مهم در پوهنتون ننگرهار افتتاح شد

سرپرست وزارت تحصیلات عالی طی سفری کاری به ولایت ننگرهار، چهار پروژه مهم را در پوهنتون آن ولایت افتتاح و به بهره برداری سپرد.

این پروژه ها که شامل شفاخانه نسایی و ولادی، تعمیر لیلیه. . .

دوشنبه ۱۳۹۹/۵/۲۰ - ۴:۴۱
Background image

ویدیو کنفرانس معین مالی و اداری وزارت تحصیلات عالی با مسوولان پوهنتون های مرکز و ولایات

دروازه پوهنتون‌ها روی یک ضرورت، به روی محصلان بازگشایی شده و باید با استفاده از وسایل بهداشتی مراقب صحت محصلان و اساتید باشیم.

این مطلب را نور احمد درویش معین مالی و اداری وزارت. . .

دوشنبه ۱۳۹۹/۵/۲۰ - ۴:۳۲
Background image

رهبری وزارت تحصیلات عالی با اعضای کمیسیون امور دینی، فرهنگی، معارف و تحصیلات عالی ولسی جرگه دیدار نمود

در این مجلس محترم امیرگل شاهین رئیس کمیسیون معارف و تحصیلات عالی ولسی جرگه، احمد ضیا یفتلی منشی و عبدالرزاق‌ هاشمی عضو این کمیسیون حضور داشتند.

پوهنمل عبدالتواب بالاکرزی معین علمی و. . .

BACK TO NEWS