د لوړو زده کړو وزارت د اکاډمیکو چارو د څارنې او ارزونې ریاست پلاوي د جوزجان پوهنتون د مختلفو برخو څارنه او ارزونه وکړه.
یاد پلاوي د جوزجان پوهنتون له رئیس پوهنیار حیات الله حقجو او د دغه پوهنتون له مرستیالانو سره د لیدنې پر مهال په یاد ولایت کې د لوړو زده کړو د پرمختګ او پراختیا په اړه هر اړخیزې خبرې وکړې.
وروسته یاد پلاوي د جوزجان پوهنتون علمي او محصلانو چارو او همدارنګه د کیمیاوي ټکنالوژۍ انجنیري، ساختماني انجنیري، ښوونې او روزنې، ټولنیزو علومو، جیولوجي او کانونو انجنیري پوهنځیو څخه لیدنه او څارنه وکړه.
د یادولو وړ ده چې یاد پلاوی به د خپل کاري سفر په ترڅ کې په جوزجان کې د خصوصي تحصیلي بنسټونو څارنه او ارزونه هم وکړي.