د لوړو زده کړو وزارت او خصوصي تحصيلي بنسټونو ګډ کمېسیون په خپله لومړۍ غونډه کې د خپلو غړو د معرفي کولو پرمهال د کمېسيون د راتلونکو غونډو اجنډا په اړه بحث او لازم تصميمونه ونېول.
د لوړو زده کړو وزارت او خصوصي تحصيلي بنسټونو ګډ کمېسیون په خپله لومړۍ غونډه کې د خپلو غړو د معرفي کولو پرمهال د کمېسيون د راتلونکو غونډو اجنډا په اړه بحث او لازم تصميمونه ونېول.
ياد کمېسيون د لوړو زده کړو وزارت رهبري شورا د پرېکړې پربنسټ د خصوصي لوړو زده کړو بنسټونو فعاليتونو د لا ښه والي، د ستونزو د حل، په چارو چټکتیا، د کيفيت لوړولو او د لازمو اسانتیاوو د رامنځته کولو په موخه جوړ شو.
دغه کمېسيون، چې د لوړو زده کړو وزارت اړوند يو شمېر رئيسان او د خصوصي لوړو زده کړو بنسټونو استازي یې غړيتوب لري، د خصوصي لوړو زده کړو بنسټونو بېلابېلو زونونو استازو ټاکلو ترڅنګ د بېړنيو او بنسټيزو موضوعاتو په اړه، چې د دواړو لورو په کاري چارو کې د ځنډ او خنډ لامل ګرځي بحث وکړ او د کمېسيون د غړو له موافقې وروسته یاد موضوعات د لا زیاتې پاملرنې په موخه راتلونکې غونډې ته پاتې شول.
د یادونې وړ ده چې د لوړو زده کړو وزارت د ا.ا.ا د حاکمېدو وروسته د هېواد تحصيلي بنسټونو د ستونزو د حل او د دې وزارت د قوانينو د تطبيق په برخه کې جدي اقدامات ترسره کړې چې د قناعت وړ پايلې لري. د مسؤلينو په وینا د یاد کمېسيون جوړېدل به د کاري بهير په چټکتیا او د پوهنتونو او خصوصي لوړو زده کړو مؤسسو د کيفيت په لوړولو کې اغېزمن تمام شي.
نېټه سه شنبه
۱۷/۶/۱۴۴۴ هـ ق ۲۰/۱۰/۱۴۰۱ هـ ش ۱۰/۱/۲۰۲۳ م
