د لوړو زده کړو وزارت د پلان، پاليسۍ او تقنين رياست يوه پلاوي هلمند ولایت ته د خپل کاری سفر په ترڅ کې د یاد ولایت امارتي او یو شمېر خصوصي تحصیلي بنسټونو د پلان کمېټو غړو ته د ستراتیژیک پلان، راپورونو او احصائيوي فورمونو د ترتيب په اړه ناسته وکړه او لازمې ل
د يادو تحصيلي بنسټونو د مسؤلينو سره په ناستو کې د پلان، پاليسۍ او تقنين رئيس مفتي رضوان اللّٰه منيب د ستراتيژيک پلان د اهميت او د هغه څخه د راپور په جوړولو او احصائيوي فورمونو په ډکولو او پر وخت وزارت ته د استولو په اړه خبرې وکړې.
همداراز د دغه سفر پر مهال کې د لوړو زده کړو وزارت د پلان، پاليسۍ او تقنين رئيس د هلمند والي سره په لیدنه کې د ياد ولايت تحصيلي بنسټونو سره په خپله برخه کې د همکارۍ غوښتنه وکړه چې د محترم والي صاحب لخوا د هر اړخيزې همکارۍ ډاډ ورکړل شو.
