د لېسانس او ماسټري په کچه د برونای دارالسلام هېواد د تحصیلي بورسونو خبرتیا!
Due
-
د لېسانس او ماسټري په کچه د برونای دارالسلام هېواد د تحصیلي بورسونو خبرتیا!
په کوالا لامپور ـ مالېزیا کې د افغانستان سفارت، د برونای دارالسلام هېواد د عالي کمیشنرۍ د یادښت پر اساس بهرنیو اتباعو ته د ۲۰۲۳/۲۰۲۲ تحصیلي کال لپاره، د لېسانس او ماسټري په کچه په لاندې پوهنتونونو کې د بورسونو خبر ورکوي:
1.University Brunei Darussalam (UBD)
2.University Islam Sultan Sharif Ali (UNISSA)
3. University Technology Brunei (UTB)
4.Kolej University Perguruan Ugama Seri Begawan (KUPU SB)
5.Politeknik Brunei (BP)
په شرایطو پوره مینه وال کولی شي له لاندې انټرنېټي لېنک څخه:
http://www.mfa.gov.bn/pages/bdgs/bdgs2022.aspx
د غوښتنې فورم او لازم معلومات تر لاسه او له ډکولو او د اسنادو له تکمیلۍ وروسته، د غوښتنې فورم او اړوند اسناد د ۲۰۲۲م، د فبروري ۱۵، چې د ۱۴۰۰کال، د سلواغې له ۲۶ سره سمون لري، applyBDGS2022@mfa.gov.bn برېښنالیک ته ولېږي.
همدارنګه مینه وال کولی شي د دغو بورسونو په اړه د لا زیاتو معلوماتو لپاره له لاندې برېښنالیک سره په اړیکه کې شي:
queriesBDGS2022@mfa.gov.bn
ټولو په شرایطو پوره مینه والو ته، چې غواړي یادو تحصیلي بورسونو ته نوملیکونه وکړي، خبر ورکول کېږي، چې د یاد بورس د شرایطو او جزیاتو له مطالعې وروسته، په یاده وېبپاڼه کې نوملیکنه وکړي او په ورته وخت کې د ثبت او راجستر لپاره د لوړو زده کړو وزارت پذیرش (۵) غرفې ته، د ( ۲۰۲۲م، د فبروري ۱۵، د ۱۴۰۰کال، د سلواغې له ۲۶ مې) نېټې څخه مخکې مراجعه وکړي.
د یادولو وړ ده چې نوماندان باید له نوملیکنه مخکې، پاسپورت ولري، تر څو په یاد بورس کې د هغو له شرایطو سره سمه نوملیکنه وکړي او له هغې پرته په یاد بورس کې ګډون نه شي کولی.
