د لوړو زده کړو وزارت د الکترونیکي مدیریت(HEMIS) سیستم د ستونزو حل په موخه د دغه وزارت د معلوماتي ټکنالوژۍ ریاست او د مقام دفتر ریاست ترمنځ ناسته ترسره شوه.

eshaq_admin
Thu, Nov 24 2022 9:28 AM
rtybgcfbcvsw

د ناستې په پیل کې د لوړو زده کړو وزارت د معلوماتي ټکنالوژۍ رئیس احمد ضیا جبارخېل د لوړو زده کړو د الکترونیکي مدیریت سیستم د ګټو په اړه هر اړخیز معلومات وړاندې کړل.
هغه زیاته کړه، د دې سیستم کارول د ادارو د کارونو د چټکتیا، د کاري روڼتیا او په بېلابېلو څانګو کې د مراجعینو لپاره د لازمو اسانتیاوو په رامنځته کولو او د کارکوونکو د فعالیتونو د کنټرول په برخه کې یوه اغیزمنه چاره ده.

د لوړو زده کړو وزارت د معلوماتي ټکنالوژۍ رئیس همدارنګه د مقام دفتر له ریاست څخه وغوښتل، چې د دغه سیستم د ښه تطبیق، په ډیټابیس کې د معلوماتو راټولولو څرنګوالي، د ستونزو حل او له یاد شوي سیستم سره د اشنايۍ په موخه دغه ریاست ته یو استازی ور معرفي کړي.

ورپسې د لوړو زده کړو وزارت د مقام دفتر رئیس قاري محمد سلیمان شریفي د دغه سیستم رامنځته کول او تطبیق د لوړو زده کړو وزارت د اداري چارو د ښه پرمختګ په لاره کې یو اغېزمن ګام وباله او ویې ویل: ددې سیستم د تطبیق او پلي کومو په برخه کې چې هر څه په توان کې ولري، ترې به یې ونه سپموي.

دغه راز په دې غونډه کې د لوړو زده کړو وزارت د مرکز پذیرش د ستونزو د اساسي حل په باب خبرې وشوې، چې د بېلابېلو ریاستونو مسؤلینو هر یو په دغه مرکز کې د کاري چارو د ښه والي، چټکتیا او د مراجعینو لپاره د لازمو اسانتیاوو د رامنځته کولو په موخه خپل نظریات او وړاندیزونه شریک کړل.

نېټه: پنجشنبه
۱۴۴۴/۴/۲۹هـ.ق ۱۴۰۱/۹/۳هـ.ش ۲۰۲۲/۱۱/۲۴م
د لوړو زده کړو وزارت مطبوعاتي دفتر

Latest news

Mon, Jan 09 2023 6:49 AM
Background image

Country’s first phase of the revision and development of the curriculum of the Faculty of Journalism of the educational foundations has started.

In the opening ceremony of the cluster, Acting Minister of Higher Education Sheikh Al Hadith Mawlavi Neda Mohammad Nadeem Sahib said that the media is the power, along with other forces. . .

Mon, Oct 17 2022 6:10 AM
Background image

Declaration

Some spiteful people are spreading the news that some students have been expelled from the dormitory of Kabul University on the basis of ethnic discrimination, which is not true.

The. . .

BACK TO NEWS