د لوړو زده کړو سرپرست وزیر د آغاخان بنسټ سفیرې سره ولیدل

Anonymous (not verified)
سه‌شنبه ۱۳۹۸/۱۱/۱۵ - ۶:۲۴
ش

د لوړو زده کړو سرپرست وزیر پوهنمل عبدالتواب بالاکرزي د آغاخان بنسټ سفیرې میرمن شهزاد ایرجي سره د یوې ناستي په ترڅ کې د افغانستان لوړو زده کړو د پياوړتيا په موخه د یاد بنسټ د مرستو په اړه بحث او خبرې وکړې.

په دغه ناسته کې لومړی د لوړو زده کړو سرپرست وزیر د هیواد د لوړو زده کړو د حالت، په دغه ډګر کې د پرمختګونو او اړتیاوو په اړه خبرې وکړې او د هيواد د لوړو زده کړو د پرمختګ په ډګر کې یې د نړيوالې ټولنې د مرستو رول غښتلی وباله.
پوهنمل عبدالتواب بالاکرزي وويل چې د هیواد لوړو زده کړو د وروستیو کلونو په ترڅ کې د کمیت له اړخه زیات پرمختګ کړی دی او اوس د لوړو زده کړو وزارت د رهبرۍ ټوله توجه د هیواد د لوړو زده کړو نظام کیفي پرمختګ ته اړولې ده چې د نړیوالو دوستانو مرستې دغې موخې ته زموږ په رسولو کې د اهمیت وړ دي.
پوهنمل بالاکرزي د افغانستان په مختلفو برخو کې په ځانګړي ډول د هیواد د لوړو زده کړو په سکټور کې د آغاخان بنسټ له مرستو څخه د مننې په ترڅ کې، د لوړو زده کړو وزارت د برنامو د پلي کولو په لاره کې د هغوی د زیاتې توجه غوښتونکی شو.

mohe


په باميان پوهنتون کې د یو باب روغتون جوړول، په بدخشان او بامیان پوهنتونو کې د ټوریزم د ډيپارټمنټونو جوړول، په یو شمیر پوهنتونو کې د اړتیا وړ نویو ودانیو جوړول، په منځنۍ او سویلي آسيا کې د آغاخان له سيمه یيزو پوهنتونو سره د افغانستان پوهنتونو د توامیتونو رامنځته کول او په پوهنتونو کې د تاریخي آبداتو د ساتنې او ترمیمولو ډيپارټمنټ جوړول له هغو مواردو ګڼل کيږي چې د لوړو زده کړو سرپرست وزير یې د تطبیق په اړه د آغاخان له بنسټه د مرستې غوښتونکی شو.
وروسته د آغاخان بنسټ سفيرې میرمن شهزاد ایرجي د افغاستان په فرهنګي، ټولنیزو او اقتصادي ډګرونو کې د نوموړي بنسټ د مرستو په اړه خبرې وکړې، د افغاستان د لوړو زده کړو په برخه کې له مرستو کولو سره د خپلې علاقمندۍ په ښکاره کولو د هیواد په مختلفو پوهنتونو کې یې له بنسټیزو پروګرامونو څخه یادونه وکړه.
د آغاخان بنسټ سفيرې وویل دغه بنسټ حاضر دی چې د خپلو امکاناتو په نظر کې نیولو سره د افغانستان لوړو زده کړو وزارت سره هر ډول مرسته وکړي.
میرمن ایرجي همدا ډول د کابل جنګلک فابریکې په محوطه کې د هنري او لاسي صنایعو زده کړه ییز بنسټ د جوړولو يادونه وکړه او د لوړو زده کړو وزارت مقام څخه يې وغوښتل چې د یاد بنسټ فارغین خپلو لوړو زده کړو ته د ادامې ورکولو په موخه په لوړو زده کړو موسساتو کې جذب کړي.
په دغه ناسته کې پریکړه وشوه چې د دواړو لورو استازي په وړاندې شویو وړانديزونو باندې کار وکړي او یو هوکړه لیک ترتیب کړي چې له لاسلیک کولو وروسته د هغه په پلي کولو کې لازم اجراآت ترسره کړي.

تازه ترین اخبار

سه‌شنبه ۱۳۹۹/۱۲/۱۲ - ۱۱:۲۴
Background image

ساختمان جدید پوهنځی های اداره و پالیسی عامه و ریاضیات پوهنتون کابل افتتاح شد

ساختمان جدید پوهنځی های اداره و پالیسی عامه و ریاضیات پوهنتون کابل امروز توسط وزیر تحصیلات عالی افتتاح و به بهره برداری سپرده شد.

 در مراسم افتتاح ساختمان یاد شده دکتور عباس بصیر وزیر. . .

سه‌شنبه ۱۳۹۹/۱۲/۱۲ - ۱۱:۲۰
Background image

وزیر تحصیلات عالی مشکلات و پیشنهادات اتحادیه محصلان پوهنتون کابل را استماع نمود

دکتور عباس بصیر وزیر تحصیلات عالی، در حالی که سید فرهاد شهید زاده معین امور محصلان نیز حضور داشت، طی جلسه ای با اتحادیۀ محصلان پوهنتون کابل مشکلات و پیشنهادات آنان را استماع نمود و از. . .

سه‌شنبه ۱۳۹۹/۱۲/۱۲ - ۴:۳۸
Background image

سازمان بین المللی خبری و رسانه ای ایالات متحده امریکا پوهنتون ها را در بخش آموزش زبان انگلیسی همکاری می کند

سازمان بین المللی خبری و رسانه ای ایالات متحده امریکا که بنام صدای امریکا (VOA) یاد می شود آماده است تا پوهنتون ها و مؤسسات تحصیلات عالی کشور را در بخش آموزش و تقویت زبان انگلیسی همکاری. . .

BACK TO NEWS