د خصوصي او دولتي لوړو زده کړو بنسټونو د مختلفو برخو د کانکور ازموینو د څرنګوالي په اړه ناسته وشوه

baqir_admin
سه‌شنبه ۱۴۰۰/۶/۱۶ - ۱۱:۳۰
ل

د خصوصي او دولتي لوړو زده کړو بنسټونو د مختلفو برخو د کانکور ازموینې د څرنګوالي په موخه، د زده کړیالانو چارو د سرپرست معین تر مشرۍ لاندې ګډه ناسته تر سره شوه.

په دغه ناسته کې د ازموینو ملي ادارې عمومي رییس، د طبي شورا تخنیکي مرستیال، د خصوصي پوهنتونونو او لوړو زده کړو موسسو د اتحادیې غړو، د مرکزي پوهنتونونو علمي مرستیالانو او د لوړو زده کړو وزارت مرکزي ادارو یو شمېر رییسانو ګډون کړی وو.

په پيل کې د لوړو زده کړو وزارت د زده کړیالانو چارو د معینیت سرپرست انجنیر سید محمد اسماعیل روحاني، د خصوصي تحصیلي بنسټونو د ازموینو په اړه د زده کړیالانو چارو د معینیت شورا د پرېکړې، د تطبیقي اسنادو پلي کولو، په پخواني روال د ازموینو د پروسې پلي کولو او د مختلفو برخو د ازموینو په اړه خبرې وکړې.

وروسته د ناستې ګډونوالو له اجنډا سره سم د خصوصي لوړو زده کړو بنسټونو د کانکور ازموینې د اخیستلو د پروسې، د خصوصي او دولتي طبي څانګو د فارغانو خروجیExit Exam ازموینو همغږي، د دوکتورانو د تخصص د اکمال ازموینه، د دولتي پوهنتونونو د ماسټرۍ، ۱۴ ټولګیو او کمونیټي کالجونو  فارغانو ازموینې او  د کانکور ازموینو بې پایلو داوطلبانو جذب، په هغه نويو ایجادو شوو څانګو کې، چې د کانکور په ازموینه کې یې کود رشتې ذکر شوې نه وې. 

د ازموینو ملي ادارې رییس پوهاند عبدالقدیر خموش او د طبي شورا تخنیکي مرستیال خلیل الله سقا د یادو برخو د ازموینو اخیستو په اړه د ناستې غړو ته معلومات او ډاډ ورکړ.

تازه خبرونه

یکشنبه ۱۴۰۰/۷/۲۵ - ۷:۲۲
Background image

ازبکستان ته د ا.ا.ا د لوړ پوړي پلاوي سفر او د یاد هېواد د منځنیو او لوړو زده کړو له وزیر سره د ا.ا.ا د لوړو زده کړو سرپرست او ورسره ټیم لیدنه وشوه.

تېره ورځ د ۱۴۴۳ هـ.ق کال د ربیع الاول په ۱۰ مه نېټه، د ا.ا.ا د رئيس الوزرا د مرستيال محترم مولوي عبد السلام حنفي په مشرۍ لوړ پوړي پلاوي دوست هېواد ازبکستان ته یو ورځنی سفر ترسره کړ، چې. . .

شنبه ۱۴۰۰/۷/۲۴ - ۹:۲۳
Background image

اوسنی وضعیت ایجابوي چې داسې علمي معیارونه رامنځته شي چې افغانستان د پرمختګ په تګلوري برابر کړي

دغه ټکی د لوړو زده کړو وزارت سرپرست شیخ عبدالباقي حقاني په هغه ناسته کې څرګند کړ چې د خصوصي پوهنتونونو او تحصیلي موسسو د ستونزو هوارولو، حل لارو، فرصتونو په ګوته کولو او غوښتنو په موخه. . .

یکشنبه ۱۴۰۰/۷/۱۸ - ۵:۸
Background image

د لوړو زده کړو وزرات عالي شورا تر سره شوه

د لوړو زده کړو عالي شورا ناسته، د لوړو زده کړو سرپرست وزیر شیخ عبدالباقي حقاني په مشرۍ تر سره شوه.

په دغه ناسته کې، چې د لوړو زده کړو وزارت معینانو، مرکزي پوهنتونونو رییسانو، د ښوونې. . .

BACK TO NEWS