د دیني مدرسو لسګونو زده کوونکو او زده کړیالانو په یوه ناسته کې د ا.ا.ا له پروګرامونو ملاتړ اعلان کړ

baqir_admin
یکشنبه ۱۴۰۰/۶/۲۱ - ۴:۵۲
ل

د ټولنې له مختلفو برخو ښځې او نجونې چې دیني مدرسو زده کوونکې او زده کړیالانې پکې وې، د کابل ښوونې او روزنې په پوهنتون کې راغونډې شوې وې او د مختلط تعلیمي او تحصیلي چاپېریال په مخنیوي او د حجاب مراعاتولو په برخه کې یې د ا.ا.ا له پروګرامونو ملاتړ وکړ.

په دغه ناسته کې چې د ښوونې او روزنې پوهنتون په تالار کې تر سره شوه، ویناوالو د ښځو د حقونو په اصطلاح دروغجن شعارونه، چې د اسلام د دښمنانو له خوا ورته تلقین شوي، د اسلام له ارزښتونو سره په ټکر کې وبلل او ویې ویل، چې هغوی د افغانستان مسلمانو ښځو واقعي استازیتوب نه شي کولی، بلکې د غربي موخو او خپلو مادي غوښتنو لپاره لاریونونه کوي.

د دغې ناستې ګډونوالو په تحصیلي بنسټونو کې له غیر مختلطو درسونو ملاتړ وکړ او په اسلامي ټولنه کې یې د مختلطو درسونو زیانونه بیان کړل.

هغوی د ا.ا.ا څخه د ملاتړ تر څنګ وویل، چې د ا.ا.ا د نظام د قوي کولو لپاره هڅه کوي او دا به ثابتوي، چې د حجاب په مراعاتولو سره به د اسلام او اسلامي ارزښتونو واقعي څېره نړیوالو ته وروښيي.

د دغې ناستې ګډونوالو د افغان مسلمانو ښځو او نجونو دندو او مسوولیتونو ته په اشارې سره، له هغوی څخه وغوښتل چې د اسلام مقدس دین ارزښتونه مراعات کړي او هغه ښځې یې ونه غولوي، چې د غیر مسلمانانو او بېګانه وو کلتور ته کار کوي او ځان د افغانو ښځو استازې بولي او د هغو پلانونو او دعوتي لار چارو د مخنیوي هڅه کوي، چې د اسلامي ټولنې د ځواکمن کېدو لامل ګرځي.

دغه ناسته په لاریون او د مسلمانو نجونو لپاره د اسلامي ارزښتونو په مراعاتولو او د همدغو ارزښتونو په شعارونو سره پای ته ورسېده.

تازه خبرونه

یکشنبه ۱۴۰۰/۷/۲۵ - ۷:۲۲
Background image

ازبکستان ته د ا.ا.ا د لوړ پوړي پلاوي سفر او د یاد هېواد د منځنیو او لوړو زده کړو له وزیر سره د ا.ا.ا د لوړو زده کړو سرپرست او ورسره ټیم لیدنه وشوه.

تېره ورځ د ۱۴۴۳ هـ.ق کال د ربیع الاول په ۱۰ مه نېټه، د ا.ا.ا د رئيس الوزرا د مرستيال محترم مولوي عبد السلام حنفي په مشرۍ لوړ پوړي پلاوي دوست هېواد ازبکستان ته یو ورځنی سفر ترسره کړ، چې. . .

شنبه ۱۴۰۰/۷/۲۴ - ۹:۲۳
Background image

اوسنی وضعیت ایجابوي چې داسې علمي معیارونه رامنځته شي چې افغانستان د پرمختګ په تګلوري برابر کړي

دغه ټکی د لوړو زده کړو وزارت سرپرست شیخ عبدالباقي حقاني په هغه ناسته کې څرګند کړ چې د خصوصي پوهنتونونو او تحصیلي موسسو د ستونزو هوارولو، حل لارو، فرصتونو په ګوته کولو او غوښتنو په موخه. . .

یکشنبه ۱۴۰۰/۷/۱۸ - ۵:۸
Background image

د لوړو زده کړو وزرات عالي شورا تر سره شوه

د لوړو زده کړو عالي شورا ناسته، د لوړو زده کړو سرپرست وزیر شیخ عبدالباقي حقاني په مشرۍ تر سره شوه.

په دغه ناسته کې، چې د لوړو زده کړو وزارت معینانو، مرکزي پوهنتونونو رییسانو، د ښوونې. . .

BACK TO NEWS