د زمري ۷مه د ملي بیرغ ورځ په لوړو زده کړو وزارت کې ولمانځل شوه

Azizorayakhel.admin
چهارشنبه ۱۳۹۹/۵/۸ - ۵:۲
ش

په هغو ځانګړو مراسمو کې چې په همدې مناسبت د لوړو زده کړو وزارت په انګړ کې د لوړو زده کړو وزارت د مشرتابه هیئت، ددغه وزارت د منسوبینو او د ملي پولیسو ځواکونو په شتون کې تر سره شول، د لوړو زده کړو سرپرست وزیر او علمي مرستیال پوهنمل عبدالتواب بالاکرزي ددغې ورځې د مبارکۍ په ترڅ کې، ملي بیرغ د هیواد د وګړو د یووالي، وحدت او عزت سمبول وباله.

پوهنمل بالاکرزي وویل: «ملي بیرغ ته کتل موږ ته د غرور، خپلواکي او یووالي حس راکوي، د دا ډول ارزښتونو درک کول ددې لامل کیږي چې موږ ټول په ګډه د درې رنګه بیرغ تر سیوري لاندې د هیواد د پرمختګ لپاره زیاته هڅه وکړو

د لوړو زده کړو سرپرست وزیر د افغانستان د پوهنتونو له استادانو او محصلانو وغوښتل، چې د ملي یووالي په ساتلو سره، د هیواد په پرمختګ او د علم او پوهې د پراختیا په برخه کې کوښښ وکړي تر څو هیواد مو د بسیاینې پر لورې سوق شي او ددغه ټاټوبي ملي اقتدار خپل اوج ته ورسیږي.

د یادونې وړ ده چې د افغانستان د جمهوري ریاست د عالي مقام د لارښوونې او ملي بیرغ ته د درناوي په اساس، د زمري میاشتې ۷مه د ملي بیرغ د ورځې په نوم نومول شوې او یاده ورځ ددغه ټاټوبي د خلکو تر منځ د زیات یووالي او خلوص د ټینګښت او د هیوادنۍ میني د احساساتو ښکاره کولو په خاطر، په ټول هیواد کې له ځانګړو مراسمو سره هر کال لمانځل کیږي

تازه خبرونه

چهارشنبه ۱۴۰۰/۲/۱ - ۴:۲۳
Background image

د لوړو زده‌کړو وزارت مرکزي ادارو د تشکیلاتي جوړښت بیاکتنې کمیټې نوبتي غونډه جوړه شوه

د لوړو زده کړو وزارت د مرکزي ادارو له تشکیلاتي جوړښټ څخه بیاکتنې کمېټې نوبتي غونډه نن د همدې وزارت مالي او اداري معین نوراحمد دروېش په مشرۍ جوړه شوه او په مطرح شویو موضوعاتو بحث او. . .

چهارشنبه ۱۴۰۰/۲/۱ - ۴:۴
Background image

د لوړو زده کړو او پوهنې وزارتونو د همغږۍ ګډه ناسته جوړه شوه

د څوارلسم پاسو ښوونکو د سویې د لوړولو لپاره د لوړو زده کړو، پوهنې او مالیې وزارتونو د درې اړخیزې طرحې د پلي کولو په موخه د لوړو زده کړو او پوهنې وزارتونو د همغږۍ ګډه ناسته نن جوړه شوه.. . .

چهارشنبه ۱۴۰۰/۱/۲۵ - ۴:۴۱
Background image

د لوړو زده کړو وزارت زدکړیالانو چارو معینیت شورا ناسته تر سره شوه

د لوړو زده کړو وزارت د زدکړیالانو چارو معین پوهندوی سید فرهاد شهیدزاده تر مشرۍ لاندې، د لوړو زده کړو وزارت زدکړیالانو چارو معینیت شورا ناسته تر سره شوه.

په دغه ناسته کې د خصوصي او. . .

BACK TO NEWS