د لوړو زده کړو خصوصي موسسو کمېسیون ناسته جوړه شوه

baqir_admin
چهارشنبه ۱۴۰۰/۲/۱۵ - ۱۲:۵
g

د لوړو زده کړو خصوصي موسسو کمېسیون ناسته د لوړو زده کړو وزیر دوکتور عباس بصیر په مشرۍ جوړه شوه. په دې ناسته کې د دغه وزارت معینانو، د مرکزي ادارو رییسانو، د مرکز څلورګونو پوهنتونونو رییسانو او د خصوصي لوړو زده کړو موسسو د اتحادیې رییس هم شتون درلود.

په دې ناسته کې د زدکړیالانو چارو ته د رسېدنې، په ناقانوني ډول د ځینو پوهنځیو او څانګو جوړول او فعالیت او همدارنګه په خپلسري توګه د ځينو لوړو زده کړو خصوصي موسسو په اړه خبرې او لازمې پرېکړې وشوې.

د خصوصي لوړو زده کړو چارو د ریاست او د علمي پروګرامونو د پرمختیا او د اکاډمیکو چارو د څارنې او ارزونې ریاست د راپور پر بنسټ د لوړو زده کړو ځینې موسسې او پوهنتونونه له جواز پرته فعالیت کوي او همدارنګه د نویو پوهنځیو او څانګو پر جوړېدو یې لاس پورې کړی او په خپلسري توګه زدکړیالان جذبوي. د دوی دغه کار د علمي معتبرو بنسټونو پر وړاندې تور داغ دی او کیفیت تر پښو لاندې کوي او د هېواد د ځوانانو برخلیک له ستونزو سره مخ کوي.

د لوړو زده کړو خصوصي موسسو کمېسیون پرېکړه وکړه دا چې د لوړو زده کړو وزارت په وار وار د خصوصي تحصیلي بنسټونو د خپلسرو فعالیتونو د پایلو په اړه معلومات ورکړي، نو د ټولو خصوصي پوهنتونونو او لوړو زده کړو موسسو جدي څارنه دې وشي. دغه د یوه راڼه او څرګند میکانیزم پر بنسټ د ټولو خصوصي لوړو زده کړو بنسټونو د خپلسرو فعالیتونو مخه ونیسي ترڅو هغه د لوړو زده کړو موسسې او پوهنتونونه چې د لوړو زده کړو وزارت د مقرراتو خلاف فعالیت کوي، قانوني چلند ورسره وشي او په راتلونکي کې د قانون نه ماتولو ژمنه ترې واخیستل شي.

تازه خبرونه

شنبه ۱۴۰۰/۳/۲۲ - ۱۱:۲۲
Background image

د چاپېریال ساتنې نړیواله اوونۍ په شېخ زاید پوهنتون کې ونمانځل شوه

شېخ زاید پوهنتون کې د کرنې پوهنځي او د چاپېریال ساتنې ریاست لخوا په ګډې همغږۍ ونمانځل شوه.

په دې غونډه کې د پوهنتون رئیس پوهنمل حسین ګل اریوبي په پیلیزو خبرو کې زیاته کړه، چې د. . .

شنبه ۱۴۰۰/۳/۲۲ - ۱۱:۱۵
Background image

البیروني پوهنتون بیا عادي حالت ته د راګرځېدلو لپاره د بحران مدیریت تدابیر پلي کېږي

د البیروني پوهنتون د استادانو او اداري کارکوونکو پر موټر د سړک د غاړې ماین چاودنې وروسته د علمي کادري او اداري غړو تر منځ ژور خفګان رامنځته شوی.

نو د حالاتو د مدیریت او ژر تر ژره عادي. . .

پنجشنبه ۱۴۰۰/۳/۲۰ - ۸:۴۴
Background image

د قزاقستان هېواد د لېسانس دورې بورسیې رقابتي ازموینه نن په لوړو زده کړو وزارت کې واخیستل شوه

د افغانستان او قزاقستان هېواد لوړو زده کړو وزارتونو تر منځ لاسلیک شوي هوکړه لیک پر بنسټ د قزاقستان هېواد هر کال د لېسانس، ماسټرۍ او دوکتورا په کچه ۳۰ تحصیلي بورسونه د لوړو زده کړو وزارت. . .

BACK TO NEWS