د لوړو زده کړو سرپرست وزیر د آغاخان بنسټ سفیرې سره ولیدل

ناپیژنده (not verified)
سه‌شنبه ۱۳۹۸/۱۱/۱۵ - ۶:۲۴
ش

د لوړو زده کړو سرپرست وزیر پوهنمل عبدالتواب بالاکرزي د آغاخان بنسټ سفیرې میرمن شهزاد ایرجي سره د یوې ناستي په ترڅ کې د افغانستان لوړو زده کړو د پياوړتيا په موخه د یاد بنسټ د مرستو په اړه بحث او خبرې وکړې.

په دغه ناسته کې لومړی د لوړو زده کړو سرپرست وزیر د هیواد د لوړو زده کړو د حالت، په دغه ډګر کې د پرمختګونو او اړتیاوو په اړه خبرې وکړې او د هيواد د لوړو زده کړو د پرمختګ په ډګر کې یې د نړيوالې ټولنې د مرستو رول غښتلی وباله.
پوهنمل عبدالتواب بالاکرزي وويل چې د هیواد لوړو زده کړو د وروستیو کلونو په ترڅ کې د کمیت له اړخه زیات پرمختګ کړی دی او اوس د لوړو زده کړو وزارت د رهبرۍ ټوله توجه د هیواد د لوړو زده کړو نظام کیفي پرمختګ ته اړولې ده چې د نړیوالو دوستانو مرستې دغې موخې ته زموږ په رسولو کې د اهمیت وړ دي.
پوهنمل بالاکرزي د افغانستان په مختلفو برخو کې په ځانګړي ډول د هیواد د لوړو زده کړو په سکټور کې د آغاخان بنسټ له مرستو څخه د مننې په ترڅ کې، د لوړو زده کړو وزارت د برنامو د پلي کولو په لاره کې د هغوی د زیاتې توجه غوښتونکی شو.

mohe


په باميان پوهنتون کې د یو باب روغتون جوړول، په بدخشان او بامیان پوهنتونو کې د ټوریزم د ډيپارټمنټونو جوړول، په یو شمیر پوهنتونو کې د اړتیا وړ نویو ودانیو جوړول، په منځنۍ او سویلي آسيا کې د آغاخان له سيمه یيزو پوهنتونو سره د افغانستان پوهنتونو د توامیتونو رامنځته کول او په پوهنتونو کې د تاریخي آبداتو د ساتنې او ترمیمولو ډيپارټمنټ جوړول له هغو مواردو ګڼل کيږي چې د لوړو زده کړو سرپرست وزير یې د تطبیق په اړه د آغاخان له بنسټه د مرستې غوښتونکی شو.
وروسته د آغاخان بنسټ سفيرې میرمن شهزاد ایرجي د افغاستان په فرهنګي، ټولنیزو او اقتصادي ډګرونو کې د نوموړي بنسټ د مرستو په اړه خبرې وکړې، د افغاستان د لوړو زده کړو په برخه کې له مرستو کولو سره د خپلې علاقمندۍ په ښکاره کولو د هیواد په مختلفو پوهنتونو کې یې له بنسټیزو پروګرامونو څخه یادونه وکړه.
د آغاخان بنسټ سفيرې وویل دغه بنسټ حاضر دی چې د خپلو امکاناتو په نظر کې نیولو سره د افغانستان لوړو زده کړو وزارت سره هر ډول مرسته وکړي.
میرمن ایرجي همدا ډول د کابل جنګلک فابریکې په محوطه کې د هنري او لاسي صنایعو زده کړه ییز بنسټ د جوړولو يادونه وکړه او د لوړو زده کړو وزارت مقام څخه يې وغوښتل چې د یاد بنسټ فارغین خپلو لوړو زده کړو ته د ادامې ورکولو په موخه په لوړو زده کړو موسساتو کې جذب کړي.
په دغه ناسته کې پریکړه وشوه چې د دواړو لورو استازي په وړاندې شویو وړانديزونو باندې کار وکړي او یو هوکړه لیک ترتیب کړي چې له لاسلیک کولو وروسته د هغه په پلي کولو کې لازم اجراآت ترسره کړي.

تازه خبرونه

سه‌شنبه ۱۳۹۹/۱۱/۷ - ۱۲:۱۶
Background image

فاریاب پوهنتون کې د «استادانو ترفیع او آثارو د ثبت او علمي ترفیعاتو پوهاوي» په نوم دوه ورځنی ورکشاپ جوړ شو

په دغه ورکشاپ کې د فاریاب پوهنتون رییس پوهنمل فېروز اوزبېک کریمي د تدریس، څېړنې او نورو اکاډمیکو مکلفیتونو اړوند د علمي کادر غړو په وظایفو خبرې وکړې او د هغو په معیاري تطبیق یې ټینګار. . .

سه‌شنبه ۱۳۹۹/۱۱/۷ - ۱۱:۴۶
Background image

جوزجان پوهنتون کې د علمي ترفېعاتو بهیر او د استادانو علمي ترفیعاتو د آثارو ثبتولو په اړه د پوهاوي دوه ورځنی ورکشاپ جوړ شو

دغه ورکشاپ کې چې د «علمي ترفیعاتو بهیر پوهاوي او د استادانو د علمي ترفیعاتو آثارو ثبتول» په نوم جوړ شو؛ علمي مرستیالې، د علمي څېړنو د چارو امر، د ډيپارټمېنټونو امرانو او استادانو ګډون. . .

سه‌شنبه ۱۳۹۹/۱۱/۷ - ۶:۱۹
Background image

د‌ پوهنتونونو له نشراتي مسئولينو سره د لوړو زده کړو وزارت د وياند ويډيويي کنفرانس

د لوړو زده کړو وزارت د ویاندوی دفتر او ۳۹ ولایتي او مرکزي پوهنتونونو نشراتي مسوولینو تر منځ د همغږۍ ناسته وشوه. په دغه ناسته کې چې د لوړو زده کړو وزارت ویاند پوهنیار حامد عبیدي په مشرۍ. . .

BACK TO NEWS