د لوړو زده کړو وزارت رهبري شورا د حوت په ۲۴مه نېټه جلسه ترسره کړه چې په ياده جلسه کې د کرونا وايروس د وقايوي تدابيرو په څرنګوالي، د کيفيت د تضمين رياست د دريو کړنلارو تایيد، اعتبار ورکونې او د اجنډا په نورو موضوعاتو بحث وشو

safiullah_user
یکشنبه ۱۳۹۹/۱۲/۲۵ - ۷:۰
ل

علمي معين او سرپرست وزير پوهنمل عبدالتواب بالاکرزي وويل دا چې د کرونا وايروس په چټکۍ سره مخ په زياتېدو دی او افغانستان هم تر جدي ګواښ لاندې دی تاکييد يې وکړ چې د لوړو زده کړو وزارت او په ټوله کې پوهنتونونه، د لوړو زده کړو موسسې او تحصيلي بنسټونه ملکف دي چې ددې وايروس پر وړاندې د مخنيوي په مبارزه کې خپله ملي وجيبه اداء کړي. او همدارنګه رهبرۍ شورا فیصله وکړه ددې لپاره چې د زده کړو بهير زيانمن نشي او د محصلينو اړيکه د زده کړو د پروسې سره قطع نشي نو علمي کادري غړي دې هڅه وکړي تر څو درسي مواد د اليکټرونيکي چينلونو له لارې د خپلو محصلينو سره شريک کړي تدريسي او تحصيلي بهير دې په غېرې مستقيم ډول د اليکټرونيکي روشونو څخه په ګټې اخيستنې سره چې په اړه يې د ۱۳۹۸ کال د حوت ۲۴ ماسپخين دوه بجې د ويډيوي کنفرانس له لارې معلومات ورکړل شول دوام ورکړي. د لوړو زده کړو وزارت رهبري شورا د وزارت د مرکزي ادارو ټولو ريسانو ته لارښونه وکړه چې په خپلو کاري چارو کې دې د کرونا وايروس په وړاندې جدي تدابير ونيسي او هڅه دې وکړي چې خپلو مراجعينو ته انلاين خدمتونه وړاندې کړي. د اجنډا اړوند وروسته: د وزارت رهبري شورا په درې کړنلارو (د کيفيت د تضمين بورډ کاري کړنلاره، اکاډميکې اعتبار ورکونې، د اکاډميکې اعتبار ورکونې طرزالعمل او د مسلکي طرز العمل په بيا کتنه) د کیفيت د تضمين رياست چې د ياد رياست د چارو د تنظيم په موخه جوړ شوی هر اړخيز بحث وکړ او د مجلس د غړو د نظرونو د تبادلې او وړانديزونو څخه وروسته يې د ټولو په اتفاق د طرزالعملونو رايې په پرنسيپ کې تایيد کړې. او همدارنګه په بله جلا جلسه کې چې د ولاياتو د پوهنتونونو ریسانو سره د ويډيوي کنفرانس له لارې ترسره شوه، د لوړو زده کړو وزارت مالي او اداري معين احمد سير مهجور د کرونا وايروس په اړه خپلې اندېښنې شريکې کړې او ټولو پوهنتونونو ته يې لارښوونه وکړه چې د کرونا وايروس د خپرېدو د مخنيوي او ددې وايروس په اړه دې د عامه پوهاوي موثر پروګرامونه جوړ کړي او پدې برخه دې له ولايتي مسولينو سره هر ډول مرستې او هڅې نه درېغوي. دوکتور مهجور وويل چې تحصيلي بنسټونه مکلف دي چې خپل درسونه اليکټرونيکي او انلاين په معياري توګه د علم او پوهې د ښه لېږد په موخه برابر کړي او د خپلو پرمختګونو راپورونه دې په متواتر ډول له مرکز سره شريک کړي تر څو يې تجربې، نوښتونه او ستونزې د موثرې ګټې اخيستنې په موخه له نورو پوهنتونونو سره شريکې شي. چې په مقابل کې يې د مرکز او ولاياتو پوهنتونونو د هداياتو د تطبيق اړوند خپل تياری وښوده او پدې برخه کې يې یو سلسله وړانديزونه هم وکړل.

تازه خبرونه

چهارشنبه ۱۳۹۹/۱/۱۳ - ۹:۳۲
Background image

په الیکټرونیکي زده کړه ېیزه بڼه د حضوري زده کړو د بدیل طرحه چې د لوړو زده کړو وزارت لخوا چمتو شوې وه، د جمهور رئيس له لوري تائید او د تود هر کلي وړ وګرځيده.

په هغه ناسته کې چې نن ورځ د ویډیویې کنفرانس له لارې د هیواد جمهور رئیس جلالتمآب محمد اشرف غني سره تر سره شو، د لوړو زده کړو سرپرست وزیر او علمي مرستیال پوهنمل عبدالتواب بالاکرزي په دې. . .

دوشنبه ۱۳۹۹/۱/۱۱ - ۷:۲۰
Background image

هیواد د لوړو زده کړو بنسټونه د رخصتۍ په ورځو کې د روغتیایې مواردو په نظر کې نیولو سره؛ کولی شي د خپلو محصلانو لپاره له مختلفو آسانتیاوو او کړنلارو څخه په ګټې اخیستنې د زده کړو زمینه برابره کړي

دغه مطلب د لوړو زده کړو سرپرست وزیر او علمي مرستیال پوهنمل عبدالتواب بالاکرزي د مرکز او ولایاتو د تحصیلي بنسټونو له مسؤولانو سره د ویډیویي کنفرانس په ترڅ کې بیان کړ. هغه زیاته کړه چې د. . .

سه‌شنبه ۱۳۹۹/۱/۵ - ۹:۴۹
Background image

د لوړو زده کړو وزارت مالي او اداري مرستیال د مرکز او ولایاتو له پوهنتونو سره د ویډیویې کنفرانس له لارې د کرونا ویروس د خپریدو څخه د وقایوي تدبیرونو، د اداري اصلاحاتو او ملکي خدمتونو کمیسیون د کاري طرزالعمل پلي کولو او د بودیجې وېشلو د څرنګوالي په اړه لازم

په دغه ویډیویې کنفرانس کې په داسې حال کې چې د مالي او اداري رئیس احمد طارق صدیقي او د تهیې او تدارکاتو رئيس عبدالله صوفي زاده هم حضور درلود، دوکتور مهجور وویل هیواد مو د خپل روغتیایې. . .

BACK TO NEWS