ننګرهار پوهنتون کې څلورو مهمې پروژې پرانیستل شوې

Azizorayakhel.admin
دوشنبه ۱۳۹۹/۵/۲۰ - ۴:۴۴
ش

د لوړو زده کړو سرپرست وزیر ننګرهار ولایت ته په یوه کاري سفر کې، د ننګرهار پوهنتون د څلورو مهمو پروژو پرانیسته وکړه.

په دغه پروژو کې د ننګرهار پوهنتون د طب پوهنځي د نجونو لیلیه، د تدریسي روغتون د ولادي- نسايي څانګې ودانۍ، د ژورنالېزم او عامه اړیکو پوهنځي کمپیوټر لېب او د ډاکټر ناکامورا په نوم تفریحي پارک شامل دي، چې د ۴۷ میلیونه او۶۲۰ زره افغانیو په لګښت د لوړو زده کړو وزارت له پرمختيايي بودیجې او هندوستان هیواد په مالي مرسته جوړې شوې دي، ګټې اخسیتنې ته وسپارل شوې.

په هغه غونډه کې چې په همدې مناسبت ننګرهار پوهنتون کې جوړه شوې وه، د لوړو زده کړو سرپرست وزیر او علمي معین پوهنمل عبدالتواب بالاکرزي ننګرهار پوهنتون د هېواد د سترو پوهنتونونو له ډلې یو مهم او ستراتېژیک پوهنتون یاد کړ او ددې پوهنتون په وروستیو پرمختګونو یې د خوښۍ څرګندونه وکړه.

نوموړي د اسلامي ثقافت مضمونونو د انلاین کورسونو د ثبت او په نورو برخو کې د ننګرهار پوهنتون له همکاریو مننه وکړه او زیاته یې کړه، چې د پوهنتون د شته ستونزو د حل په برخه کې به اړین اقدامات ترسره کړي.

پوهنمل عبدالتواب بالاکرزي له ۲۰۰۲ کال راهیسې د لوړو زده کړو وزارت فعالیتونو ته په اشارې سره وویل: «په تیر کې د لوړو زده په برخه کې د کمیت له پلوه په دولتي او خصوصي برخو کې کافي کار شوی، خو د کیفیت په برخه کې جدي او مؤثره ګامونو اخیستو ته اړتیا ده چې له نیکمرغه اوسمهال دغه موضوع د لوړو زده کړو وزارت په لومړيتبونو کې ځای لري

د لوړو زده کړو سرپرست وزیر څرګنده کړه، چې د لوړو زده کړو سیسټم د پرمختګ په موخه يې خپل فعالیتونه په مختلفو برخو ویشلي، چې پکې د نصاب پراختیا او معیاري کول، معیاري څیړنې، د پوهنتونو استادانو لپاره پر هیواد دننه او بهر د ماسټرۍ او دوکتورا زده کړو زمینې برابرول، د تشکیلاتي سیسټم اصلاح، د خصوصي لوړو زده کړو تحصیلي خدمتونو معیاری کول، د دایمي استادانو لرل او د شمولیت کانکور ازموینې له لارې په شفاف ډول د ځوانانو جذبول شامل دي.

ش

د ننګرهار پوهنتون رئیس پوهاند دوکتور خلیل احمد بهسودوال د پوهنتون د فعالیتونو، لاسته راوړنو، ستونزو او راتلونکو پلانونو په اړه د لوړو زده کړو وزارت له مشرتابه سره معلومات شریک کړل.

نوموړي وویل: ننګرهار پوهنتون په دې وروستیو کې په علمي او رغنیزه برخه کې ګڼې لاسته راوړنې لري، چې د پوهنتون په ځینو پوهنځیو کې د فوق لیسانس پروګرامونو او یو شمېر ډیپارټمنټونو ایجاد، د نصاب او کریکولم اصلاح، د تضمین کیفیت پروسې تطبیق، د استادانو او محصلانو د ظرفیتونو لوړول، د ازموینو سیستم اصلاح او په رغنیزه برخه کې د پوهنتون داخلي سرکونو پخول، د نجونو محصلینو لپاره د دوه لیلیو، اداري بلاک، د اقتصاد پوهنځي وداني، د تدریسي روغتون ولادي- نسایي څانګې وداني، تفریحي پارک، زرګونه نیالګي کېنول، جامع مسجد او د دوه کمپیوټر لیبونو جوړېدل يې د بېلګې په توګه یادولی شو.

د ننګرهار سرپرست والي تمیم عارف مومند په ننګرهار پوهنتون کې د یادو شویو پروژو په پرانستلو خوښي څرګنده کړه او زیاته یې کړه چې ننګرهار پوهنتون په بیلابیلو څانګو کې پیاوړي کادرونه لري، چې کیدای شي د دغو استادانو یو بورد جوړ او د ننګرهار ولایت د برنامو د ښه تطبیق او پراختیا په موخه د هغوی له علمي نظریو او لارښونو ګټه واخیستل شي.

ش

د غونډې په پای کې د ننګرهار ولایت مقام او د ننګرهار پوهنتون مشرتابه او استادانو د لوړو زده کړو سرپرست وزیر او علمي معین پوهنمل عبدالتواب بالاکرزي ته د نوموړي د ښو خدمتونو او هلو ځلو د تقدیر په موخه د اعزاز پګړۍ په سر کړه.

Latest announcements

شنبه ۱۴۰۳/۱/۴ - ۸:۱۳
Background image

د لوړو زده کړو وزارت مرکزي ادارو اړوند اداري بستونو د تحریري ازموینې د پایلو اعلان جدول له لاندې لینک څخه ترلاسه کولای شئ.

 

 

لینک
نوټ: هغه کسان چې په تحریري ازموینه کې بریالي شوي د دغه وزارت بشري سرچینو ریاست له لوري به د مصاحبې (انټرویو) لپاره راوغوښتل شي.

چهارشنبه ۱۴۰۳/۱/۱ - ۵:۲۷
Background image

د عالمیې مرحلې د متفرقه ازموینې په اړه د لوړو زده کړو وزارت خبرتیا!


د لوړو زده کړو وزارت د دیني جامعاتو او تخصصاتو لوی ریاست په پلان کې لري، چې د ټولو هغو علماء کرامو څخه چې د عالمیې مرحلې د اسنادو د ارزونې او معادلت په موخه د شعبان المعظم میاشتې د . . .

سه‌شنبه ۱۴۰۳/۱۲/۲۹ - ۷:۲۰
Background image

د قرارداد ورکولو تصمیم نیونې خبرتیا ! 


په دې توګه د تدارکاتو قانون د (۴۳) مادې د (۲) فقرې له مخې ټولو ته خبر ورکول کیږي، چې د لوړو زده کړو وزارت په پام کې لري، چې د څېړني، تاليف او ژباړې ریاست کمپيوټرونو او برښنا ذخیرې تهیه . . .

Back to announcements

تازه خبرونه

پنجشنبه ۱۴۰۳/۱/۹ - ۱۰:۳۵
Background image

د لوړو زده کړو وزارت علمي معین په خپل کاري دفتر کې، په افغانستان کې د یوناما له مرستیال او د یونسکو له سرپرستې سره وکتل. 


د لوړو زده کړو وزارت علمي معین دوکتور لطف الله خیرخواه یادو استازو ته د ښه راغلاست تر څنګ، د لوړو زده کړو وزارت روانو چارو په اړه معلومات ورکړل او ویې ویل چې موږ له خپلې بودیجې څخه. . .

پنجشنبه ۱۴۰۳/۱/۹ - ۴:۴۸
Background image

د امارتي تحصیلي بنسټونو د څېړنو او علمي مرستیالانو لپاره د څېړنو او نوښتونو تر عنوان لاندې درې ورځنی ورکشاپ پای ته ورسید.


یاد ورکشاپ، چې د لوړو زده کړو وزارت د تحقیق، تألیف او ژباړې ریاست په نوښت جوړ شوی و؛ په تحصیلي بنسټونو کې د لابراتوارونو او کتابتونو د تجهیز څرنګوالي، کاري پلانونو، د یادو مرستیالانو. . .

سه‌شنبه ۱۴۰۳/۱/۷ - ۴:۵۸
Background image

د امارتي تحصیلي بنسټونو د څېړنو او علمي مرستیالانو لپاره د کاري فعالیتونو د ښه والي او همغږۍ په موخه دری ورځنی ورکشاپ دایر شو. 


په یاد ورکشاپ کې، چې د لوړو زده کړو وزارت د تحقیق، تألیف او ژباړې ریاست په نوښت جوړ شوی، د یادو مرستیالانو تر منځ د دندو لایحو پر تفکیک، په تحصیلي بنسټونو کې د لابراتوارونو او کتابتونو. . .

BACK TO NEWS