د یاد مسجد د پرانیستې په مراسمو کې د هرات والي شیخ مولوی نوراحمد اسلام‌جار، د ارشاد، حج او اوقافو رئیس، د اقتصاد او نورو یو شمېر ولایتي ادارو استازو، د یادې جامعې مسؤلینو او د تمویل کوونکې خیریه مؤسسې مسؤلینو ګډون کړی و.
دغه مسجد په ۲۵۱ متره مربع ځمکه جوړ شوی، چې په یو وخت کې د ۲۰۰ لمونځ کوونکو ظرفیت لري. د دې مسجد د جوړېدو چارې د شاوخوا ۲ میلیونه او ۷۹۵ زره افغانیو په لګښت په پنځو میاشتو کې بشپړې شوې، چې ټول مالي تمویل یې د یوې خیریه مؤسسې لخوا ترسره شوی دی.