د خصوصي لوړو زده کړو مؤسساتو د پراختيا مشورتي بورډ غونډه، د لوړو زده کړو سرپرست وزیر او علمي مرستیال پوهنمل عبدالتواب بالاکرزي تر مشرۍ لاندې جوړه شوه

safiullah_user
دوشنبه ۱۳۹۸/۱۱/۲۱ - ۸:۱۹
gg

په دې غونډه کې د لوړو زده کړو وزارت د محصلانو چارو مرستیال پوهاند دوکتور بری صدیقي، د آزموينو د ملي ادارې رئیس پوهاند عبدالقدیر خموش، د لوړو زده کړو وزارت یو شمیر مرکزي رئيسانو او د خصوصي لوړو زده کړو مؤسساتو استازو ګډون کړی و.
په غونډه کې د خصوصي لوړو زده کړو موسساتو د محصلانو ستونزو د حل په اړه د مسوولينو کاري راپور واوریدل شو او له هر اړخیزو خبرو وروسته پریکړه وشوه چې د خصوصي لوړو زده کړو هغه شمیر بنسټونه چې د شپږو میاشتو په تیریدو سره یې تر اوسه د آزموينو ملي ادارې او له هغې لارې یې د خصوصي لوړو زده کړو موسساتو ریاست ته د خپلو خزاني سمسټرونو د کانکور آزموينې نتایجو په لیږلو کې ځنډ کړی، د (۱۳۹۸) د کب تر (۱) نیټې پورې وخت لري تر څو خپل نتایج ولیږي؛ له دې نه بغیر به یې په یاد سمسټر کې د محصلانو شاملیدل د لوړو زده کړو وزارت په وړاندې قانوني مشروعيت ونلري او د دې بنسټونو د (۱۳۹۹) کانکور آزموينه به هم و نه منل شي چې وروسته مسوولیت به یې د یادو بنسټونو په خپله غاړه وي؛ همدارنګه د لوړو زده کړو وزارت او خصوصي پوهنتونو او لوړو زده کړو موسساتو اتحادیې ځانګړې ملي کميټه به هم د دغو بنسټونو اړوندو څانګو د تعليق په هکله تصمیم ونیسي.

dd


په یاده غونډه کې د خصوصي لوړو زده کړو موسساتو د آزموينو اخيستلو طرزالعمل چې د ځانګړې کميټې له لوري له وړاندې چمتو شوی و، د تائید وړ وګرځید؛ همدا ډول بورډ د خصوصي لوړو زده کړو موسساتو د کانکور آزموينې د اخیستلو په اساس د ځانګړې کميټې وړاندیز هم تائيد کړ تر څو د خصوصي لوړو زده کړو موسساتو عمومي آزموينه په پسرلني سمسټر کې د ۱۳۹۸ د کب له ۱۰ نيټې څخه د کب تر ۳۰ نیټې پورې او د خصوصي لوړو زده کړو موسساتو پسرلنۍ متفرقه آزموينه د وري له اولې نیټې نیولې تر لسمې نیټې پورې اخیستل کیږي.
د جدید الشمول محصلانو لپاره د خصوصي لوړو زده کړو موسساتو د پسرلني سمسټر پیل هم د وري میاشتې له (۱۵) تر (۲۰) پوري وټاکل شو.
د ناستې په پای کې د لوړو زده کړو سرپرست وزیر پوهنمل عبدالتواب بالاکرزي لارښوونه وکړه تر څو ټول دولتي او خصوصي پوهنتونونه د لوړو زده کړو وزارت له اطلاعاتو، نشراتو او عامه اړیکو ریاست سره په همغږۍ، د افغانستان د دولتي او خصوصي پوهنتونو په اړه د معلوماتو کتاب د يونيسكو د اطلاعاتو نړیوال مرکز
National Information Center (NIC)
په نوم د لوړو زده کړو وزارت په ویب سايټ کې چې وروسته به د يونيسكو سازمان (UNESCO) او د سويلي آسیا د سیمه ییزو همکاریو سازمان (SAARC)
په وسیله د ګټې اخیستنې وړ وګرځي، تدوین او چمتو کړي.

تازه خبرونه

چهارشنبه ۱۳۹۹/۱/۱۳ - ۹:۳۲
Background image

په الیکټرونیکي زده کړه ېیزه بڼه د حضوري زده کړو د بدیل طرحه چې د لوړو زده کړو وزارت لخوا چمتو شوې وه، د جمهور رئيس له لوري تائید او د تود هر کلي وړ وګرځيده.

په هغه ناسته کې چې نن ورځ د ویډیویې کنفرانس له لارې د هیواد جمهور رئیس جلالتمآب محمد اشرف غني سره تر سره شو، د لوړو زده کړو سرپرست وزیر او علمي مرستیال پوهنمل عبدالتواب بالاکرزي په دې. . .

دوشنبه ۱۳۹۹/۱/۱۱ - ۷:۲۰
Background image

هیواد د لوړو زده کړو بنسټونه د رخصتۍ په ورځو کې د روغتیایې مواردو په نظر کې نیولو سره؛ کولی شي د خپلو محصلانو لپاره له مختلفو آسانتیاوو او کړنلارو څخه په ګټې اخیستنې د زده کړو زمینه برابره کړي

دغه مطلب د لوړو زده کړو سرپرست وزیر او علمي مرستیال پوهنمل عبدالتواب بالاکرزي د مرکز او ولایاتو د تحصیلي بنسټونو له مسؤولانو سره د ویډیویي کنفرانس په ترڅ کې بیان کړ. هغه زیاته کړه چې د. . .

سه‌شنبه ۱۳۹۹/۱/۵ - ۹:۴۹
Background image

د لوړو زده کړو وزارت مالي او اداري مرستیال د مرکز او ولایاتو له پوهنتونو سره د ویډیویې کنفرانس له لارې د کرونا ویروس د خپریدو څخه د وقایوي تدبیرونو، د اداري اصلاحاتو او ملکي خدمتونو کمیسیون د کاري طرزالعمل پلي کولو او د بودیجې وېشلو د څرنګوالي په اړه لازم

په دغه ویډیویې کنفرانس کې په داسې حال کې چې د مالي او اداري رئیس احمد طارق صدیقي او د تهیې او تدارکاتو رئيس عبدالله صوفي زاده هم حضور درلود، دوکتور مهجور وویل هیواد مو د خپل روغتیایې. . .

BACK TO NEWS