د قابليت د تثبيت د چوکاټ د سند د نهايي کولو په منظور د ارزونې غونډه

Akmal_admin
شنبه ۱۳۹۹/۷/۲۶ - ۵:۴۱
MOHE

د افغانستان د قابلیتونو د سند د چوکاټ د تثبیت نهايي کولو په موخه، تیره ورځ د لوړو زده کړو د سرحد څخه د بیرون تحصیلي اسنادو د ارزونې او معادلت د رئیس او په افغانستان کې د یونسکو سازمان د پلاوي ترمنځ ناسته وشوه.

د لوړو زده کړو وزارت د سرحد څخه د بیروني اسنادو د ارزونې او معادلت رئيس پوهاند حاجي محمد نعیمي وویل: په دې ناسته کې د افغانستان د قابلیتونو د تثبیت د سندونو د چوکاټ پر نهايي کولو او د هغې د لومړۍ مسودې په چمتووالي او همدا راز د یونسکو سازمان په تخنیکي همکارۍ خبرې اترې وکړې.

پوهاند نعیمي د پوهې د تفکیک او اعتبار بښلو په خاطر د قابلیتونو د تثبیت چوکاټ برابرول اوپه ملي، سیمه ییزه او نړیواله کچه د بازار د اړتیاوو پېژندنه، د یوبل سره د تحصیلي سویو وصلول او بالاخره پر پایله رامنځته شوې زده کړه یوه مبرمه اړتیا وبلله او څرګنده يې کړه: (( په دې برخه کې کاري کمیټې د څو ناستو په ترڅ کې د یاد سند د چوکاټ لومړنۍ مسوده د هند، پاکستان ، مالیزیا او اروپايي اتحاديې د هیوادونو د قابلیتونو د سند د چوکاټ له مطالعې وروسته د تحصیلي سندونو د سویو او اړتیاوو په پام کې نیولو سره تدوین او برابره کړې ده.((

هغه وویل د دې سند د لا زیاتې بډاینې لپاره د لومړۍ مسودې یوه کاپي د متخصصینو د نظریاتو په خاطر د یونسکو دفتر ته وسپارل شوه.

په افغانستان کې د یونسکو استازو ښاغلي "جورډن نایدو" د لوړو زده کړو وزارت دا ګام وستایه او ژمنه يې وکړه چې د یاد سند له مطالعې وروسته به ډیر ژر په دې اړه د دوی نظريې له کومیټې سره شریکې کړي څو په دې برخه کې وروستي لازم کارونه وشي.

په دې ناسته کې د یونسکو د ښوونې او روزنې رئیس" انتوني تم " او د ښوونې او روزنې د برخې د همغږۍ مسئولې اغلې "هوهات" همداراز د ملي قابلیتونو د تثبیت د کومیټې غړي ډاکټر فرید احمد منیب او د تخنیکې کومیټې مسئول میرویس مدقق هم حضور درلود.

تازه خبرونه

سه‌شنبه ۱۳۹۹/۸/۶ - ۱۱:۵۸
Background image

د خصوصي لوړو زده کړو موسسو د کميسيون غونډه جوړه شوه

د خصوصي لوړو زده کړو موسسو د کميسيون غونډه نن د لوړو زده کړو وزارت د نوماند سرپرست وزير دوکتور بصير عباس په مشرۍ جوړه شوه.

په غونډه کې د لوړو زده کړو وزارت د ټولو مرکزي ادارو رييسانو. . .

دوشنبه ۱۳۹۹/۸/۵ - ۱۰:۴۱
Background image

د هرات پوهنتون د شرعياتو او حقوقو له پوهنځيو ۱۰۰ تنه فارغ التحصيلان وستايل شول

د هرات پوهنتون له حقوقو او شرعياتو پوهنځيو څخه هغه ۱۰۰ تنه فارغ التحصيلان چې د سترې محکمې په يو دېرشم قضايي ستاژ دوره کې بريالي شوي وو وستايل شول.

په دې دوره کې له ۹ زره ډېرو سيالي. . .

یکشنبه ۱۳۹۹/۸/۴ - ۱۲:۸
Background image

د لوړو زده کړو وزارت د ویاندوی دفتر او پوهنتونونو نشراتي مسوولینو د لاښې همغږۍ په موخه ناسته ترسره شوه

د لوړو زده کړو وزارت د ویاندوی دفتر او د ولایتي پوهنتونونو نشراتي مسوولینو تر منځ نن د لاښې همغږۍ په موخه ویډیويي ناسته ترسره شوه.

په دغه ناسته کې د لوړو زده‌کړو وزارت مالي او اداري. . .

BACK TO NEWS