د لوړو زده کړو سرپرست وزیر له صدري، قلبي او وعایي ناروغیو انستیتیوت څخه لیدنه وکړه.
د لوړو زده کړو سرپرست وزیر شیخ الحدیث مولوي نداء محمد ندیم صاحب په صدري، قلبي او وعایي ناروغیو انستیتیوت کې له ناروغانو، ډاکټرانو، اداري او خدماتي کارکوونکو سره وکتل. له لیدنو سربېره یې طبي، اداري او خدماتي کارکوونکو ته ډاډ ورکړ چې په ټولو وظیفوي چارو کې وزارت ستاسو سره همکار دی.
همدارنګه یې د یاد انستیتیوت له ډاکټرانو او کارکوونکو څخه وغوښتل چې هېوادوالو ته د لا ښو خدمتونو وړاندي کولو په برخه کې شته ستونزې او اړتیاوې په نښه او له وزارت سره شریکې کړي.
د یادونې وړ ده چې سرپرست وزیر له اداري، او پي ډي، اې سي جي، لابراتوار، بسترخونو او رادیولوژي څانګو څخه هم لیدنه وکړه، د نوموړو څانګو مسؤلینو ستونزې یې واورېدې او لازمې سپارښتنې یې ورته وکړې.
