د لوړو زده کړو سرپرست وزیر مولوي عبدالباقي حقاني یوه خبري کنفرانس ته، د پوهنتونونو د پیلېدو او د دغه وزارت د لاسته راوړنو په اړه خبرې وکړې

Akmal_admin
پنجشنبه ۱۴۰۰/۱۰/۲۳ - ۱۲:۱۴
مولوی عبدالباقی حقانی سرپرست وزیر تحصیلات عالی طی یک کنفرانس مطبوعاتی در رابطه به  آغاز دروس پوهنتون های دولتی و سایر دستاورد های وزارت تحصیلات عالی به خبرنگاران معلومات داده به سوالات آنان پاسخ گفت

۱۴۰۰کال، د مرغومې ۲۳مه
د لوړو زده کړو سرپرست وزیر مولوي عبدالباقي حقاني یوه خبري کنفرانس ته، د پوهنتونونو د پیلېدو او د دغه وزارت د لاسته راوړنو په اړه خبرې وکړې.
مولوي عبدالباقي حقاني وویل، چې د ا.ا.ا د اسلامي ارزښتونو په مراعاتولو سره د نارینه او ښځینه زده کړیالانو زده کړو ته ژمن دی. هغه زیاته کړه، چې تر دې مهاله د پوهنتونونو د نه پیلېدو یوازینی لامل اقتصادي ستونزې وې، چې ډېر ژر به د دغو ستونزو په حل سره د ټولو زده کړیالانو پر مخ د پوهنتونونو دروازې پرانیستل شي. 
همدارنګه د لوړو زده کړو سرپرست وزیر مولوي عبدالباقي حقاني د ا.ا.ا له حاکمیت وروسته په لاندې ډول د دغه وزارت ځينو عمده لاسته راوړنو ته اشاره وکړه:  
1.    د لوړو زده کړو وزیر مولوي عبدالباقي حقاني، د نړیوالې ټولنې د همکاریو د راجلبولو په پار د ترکیې، اېران، پاکستان او ... هېوادونو له سفیرانو سره ناستې درلودې او د لوړو زده کړو د پرمختګ لپاره یې د هغوی همکارۍ راجلب کړې او له هغوی څخه یې وغوښتل چې د علم او زده کړو په برخه کې خپلې تجربې له موږ سره شریکې کړي. 
2.    د خصوصي پوهنتونونو او لوړو زده کړو موسسو درسونه پیل او په مختلفو څانګو کې زرګونه ښځينه او نارینه محصلان په زده کړو بوخت دي. 
3.    د اسنادو د ارزونې پر اساس د یو شمېر دولتي پوهنتونونو فارغینو ته ډېپلومونه ووېشل شول او د بیرون مرزي اسنادو د ارزونې لپاره کمیسیون جوړ شو. 
4.    د لوړو زده کړو وزیر پاکستان او اوزبکستان ته سفر وکړ او په هغو هېوادونو کې یې د افغان محصلانو ستونزې حل کړې.  
5.    د علمي ترفعیاتو لپاره د ۱۱۸ پروپوزلونو طی مراحل کول (تمویل، څېړنه، ترفیعي څېړنه، تالیف او ترجمه)
6.    د ۱۱۶۱ درسي کتابونو چاپول
7.    د خصوصي پوهنتونونو د غوښتنې پر اساس د مخلوط درسي نظام د مخنیوي طرحه تعدیل، منظوره او عملي شوه
8.    د اسلامي امارت له راتګ څخه وروسته په دولتي پوهنتونونو کې ۱۵ د ماسټري پروګرامونه، یوه د لېسانس په کچه پوهنځۍ او ۱۵ د لېسانس په کچه ډېپارټمنټونه ایجاد شوي دي
9.    په خصوصي پوهنتونونو کې ۳ لېسانس پروګرامونه او یوه د لېسانس په کچه پوهنځی ایجاد شوې ده
10.    د روان کال د تلې په دویمه د طبي شورا خروجي ازموینه واخیستل شوه
11.    د روان کال د لېندۍ په ۱۱مه، د لوړو زده کړو وزارت کادري روغتونونو د اکمال تخصص ۸۵ بستونو لپاره، تقریباً له ۲۹۰۰ ډاکټرانو څخه ازموینه واخیستل شوه
12.    تقریباً له ټولو خصوصي پوهنتونونو څخه د محصیلنو د اساس کتابونه، چې له ۱۳۹۸کال راپدیخوا نه وو سپارل شوي، راټول شوي دي
13.    د اسلامي امارت له حاکمیت وروسته، له خصوصي پوهنتونونو څخه، تقریباً ۴سوه د نتایجو کتابونه راټول شوي دي
14.    د نصاب په اصلاح کې د پام وړ کار شوی، چې د اسلامي ثقافت نصاب نهايي دی او پر نورو کار روان دی
15.    د لوړو زده کړو وزارت او دولتي پوهنتونونو د امنیت ساتنې په موخه، یوه نظامي قطعه جوړه شوې او لازمې زده کړې ورکړل شوي دي
16.    د لوړو زده کړو وزارت اړوند کادري روغتونونه فعال دي، تر ممکن حده اکمال شوي، په دې وروستیو کې د پاکستان هېواد له لوري ۴ لارۍ د طبي وسایلو مرسته شوې، چې تر یوې کچې به زموږ د روغتنونو ستونزې هوارې کړي. 
17.    ۲۵٪د لوړو زده کړو وزارت د مقررو اصلاح او بیاکتنې تکمیلول
18.    د خصوصي لوړو زده کړو بنسټونو د ۵۳۵۵ ډېپلومونو، سرټیفکیټونو او ټرانسکرېپنونو طی مراحل کول
19.    د ۶ دولتي او خصوصي تحصیلي بنسټونو او مرکزي ادارو څېړل او تفتیش کول
20.    لنډمهاله روزنیزو پروګرامونو ته د ۷ استادانو معرفي کول
21.    له هېواده بهر د ماسټري پروګرامونو ته د ۶۹ استادانو ورمعرفي کول
22.    له هېواده بهر د ماسټري پروګرامونو ته د ۶۲ او دوکتورا ته د ۲تنو د ازادې سیالۍ له لارې او د شرایطو وړ دولتي ادارو د کار کوونکو ورمعرفي کول
23.    له هېواده بهر د دوکتورا پروګرام لپاره د ۵۰ استادانو ورمعرفي کول
24.    له هېواده بهر د لېسانس په کچه تحصیلي بورسونو ته د ۸۴ ځوانان ورمعرفي کول
لوړو زده کړو وزارت په دې باور دی، چې له کلونو جګړې وروسته د افغانستان ودانول او پرمختګ په معیاري تحصیلي نظام پورې تړلی دی. لوړو زده کړو وزارت د دې هوډ لري، چې د تحصیلي سکټور پر وړاندې خنډونه له منځه یوسي او د تحصیلي نظام د معیاري کولو له لارې د هېواد راتلونکې روښانه کړي.

تازه خبرونه

سه‌شنبه ۱۴۰۱/۵/۱۸ - ۱۳:۱۱
Background image

د لوړو زده کړو وزارت د داخلي پلټنې ریاست پلاوی د کندوز له دولتي او خصوصي پوهنتونونو څخه لیدنه او څارنه وکړه.

۱۴۴۴/۱/۱۱
۱۴۰۱/۵/۱۸
د لوړو زده کړو وزارت د داخلي پلټنې ریاست پلاوی د کندوز له دولتي او خصوصي پوهنتونونو څخه لیدنه او څارنه وکړه. 
د لوړو زده کړو وزارت د داخلي پلټنې ریاست د تقلب او. . .

سه‌شنبه ۱۴۰۱/۵/۱۸ - ۷:۴۷
Background image

د تحصیلي نصاب ریاست کاري راپور

17/5/1401
په تحصیلي برخه کې اړتیا ته په کتو د ا.ا.ا د مشرتابه له لوري د لوړو زده کړو وزارت په چوکاټ کې د تحصیلي نصاب ریاست رامنځته شو، چې ۶ امریتونه او په ټولیز ډول ۵۲ کارمندان لري.   . . .

یکشنبه ۱۴۰۱/۵/۱۶ - ۱۰:۲۸
Background image

د لوړو زده کړو وزارت د اکاډمیکو چارو د څارنې او ارزونې ریاست یوه پلاوي د کابل دولتي او خصوصي پوهنتونونو له سمستروارو ازموینو لیدنه او څارنه وکړه.

۱۴۴۴/۱/۹
۱۴۰۱/۵/۱۶
د لوړو زده کړو وزارت د اکاډمیکو چارو د څارنې او ارزونې ریاست یوه پلاوي د کابل دولتي او خصوصي پوهنتونونو له سمستروارو ازموینو لیدنه او څارنه وکړه. 
د اکاډمیکو چارو د. . .

BACK TO NEWS