د لوړو زده کړو وزارت د دعوت او ارشاد رئیس، له خصوصي تحصیلي بنسټونو څخه د لیدنو په دوام کې، د خانه نور لوړو زده

۶/11/1443
۱۶/3/1401
د لوړو زده کړو وزارت د دعوت او ارشاد رئیس، له خصوصي تحصیلي بنسټونو څخه د لیدنو په دوام کې، د خانه نور لوړو زده کړو مؤسسې څخه څارنه وکړه.
په دغه څارنه کې د لوړو زده کړو وزارت د دعوت او ارشاد رئیس شیخ شاکرالله وحدت، د یادې مؤسسې له مشرتابه، استادانو او محصلانو سره د لیدنې پر مهال، په تحصیلي بنسټونو کې د اسلام مقدس دین د دستوراتو په رعایت کولو ټينګار وکړ او د دغه تحصیلي بنسټ له مسؤلانو او استادانو څخه یې وغوښتل، چې ټولنې ته په الهي دستوراتو او نبوي سنتو سمبال محصلانو وړاندې کړي. 
همدارنګه د خانه نور لوړو زده کړو مؤسسې مشرتابه د لوړو زده کړو وزارت د دعوت او ارشاد رئیس له نېکو لارښوونو او خبرو څخه د مننې تر څنګ، ژمنه وکړه چې د محصلانو د روزنې په برخه به د اسلامي او ملي ارزښتونو او لوړو زده کړو وزارت د لارښوونو د عملي کولو په برخه کې پوره هڅه وکړي.