د لوړو زده کړو وزارت د زدکړیالانو د چارو معینیت شورا غونډه جوړه شوه
په دې غونډه کې د دولتي زدکړیالانو چارو، د خصوصي زدکړیالانو چارو، د بهرنیو سندونو د ارزونې رئیسانو او د زدکړیالانو د خدمتونو د انسجام آمر شتون درلود.
د غونډې په لړ کې د راپور وړاندې کولو او د مخکنیو پرېکړو له پلي کېدو څخه د ډاډمنتیا ترڅنګ د افغانستان د لویو ښارونو د قرنطین د احتمالي غزولو او د ۱۴۰۰ کال د تحصیلي سمسترونو د اکاډمیک مهالوېش او د اجنډا اړوند مسایلو په اړه هراړخیز بحثونه وشول.
د لوړو زده کړو وزارت د زدکړیالانو چارو مرستیال سید فرهاد شهید زاده د غږیزې اړیکې له لارې په دې برخه کې مسؤلینو ته لارښوونه وکړه چې د دولتي او خصوصي پوهنتونونو مشرتابه سره په بشپړې همغږۍ سره د ښو خدمتونو ترسره کولو د سیسټم سمون لپاره او د مشخصو طرحو وړاندې کولو لپاره لازم تدابیر وړاندې کړي.
