د لوړو زده کړو وزارت د محصلانو چارو معینیت شورا نوبتي غونډه د دغه وزارت د محصلانو چارو معين مفتي محمد طاهر احمد په مشرۍ ترسره شوه.
د غونډې په پیل کې د لوړو زده کړو وزارت محصلانو چارو معین په چارو کې د لازمو اسانتیاوو په رامنځته کولو او له مراجعینو سره پر ښه چلند ټینګار وکړ او له اړوندو رئیسانو یې وغوښتل، چې د خپلو ادارو نظم او ډسپلین ته زیاته پاملرنه وکړي.
وروسته اجنډا سره سم د غونډې غړو د خصوصي لوړو زده کړو بنسټونو د ماسټرۍ پروګرامونو د هغو محصلینو چې خلاف رشته جذب شوي د اسنادو په ارزونې، په خصوصي تحصیلي بنسټونو کې د بې اساسه محصلینو، د څوارلسم پاس محصلینو د اسنادو له پروسې څخه د تېرېدو څرنګوالی، چې د خصوصي لوړو زده کړو مقرراتو او اصولو خلاف د لوړو زده کړو په خصوصي بنسټونو کې جذب شوي او دغه راز د امارتي او خصوصي تحصیلي بنسټونو د یو شمېر محصلینو او فارغانو په انفرادي ستونزو بحث او نظرونه تبادله شول او په اړه یې لازم تصمیمونه ونیول شول.
