د لوړو زده کړو وزارت د څارنې او ارزونې ریاست د رئیس په مشرۍ د دغه وزارت پلاوي د شیخ زاید پوهنتون څخه څارنه او لیدنه وکړه.
د څارنې او ارزونې رئیس انجینر سید اسماعیل روحاني په مشرۍ د دعوت او ارشاد ریاست او تضمین کیفیت او اعتبارو ورکونې ریاست ګډ پلاوي پرون ورځ د یاد پوهنتون علمي، تدریسي، اداري او مالي چارې وارزولې.
نوموړي پلاوي د څلورو کاري ورځو په جریان کې د یاد پوهنتون له تدریسي روغتون، د زراعت له تحقیقاتي فارم، کتابتون، د محصلانو له لیلیې او نورو ګڼو ځایونو څخه لیدنه وکړه او اړوند چارې یې وارزولې او د دعوت ارشاد د اړوندو (امام او مبلغ) بستونو لپاره یې ازموینې واخیستې.
همدارنګه یاد پلاوي د ژبو او ادبیاتو او حقوقو پوهنځیو په فراغت غونډو کې د ګډون سربېره استاذانو او فارغانو ته لازمې سپارښتنې وکړې او د علمي پرمختګ په برخه کې د وزارت لخوا د پوره همکارۍ او ملاتړ ډاډ ورکړ.
نېټه: سې شنبه
۱۴۴۴/۵/۱۲ هـ ق ـــ ۱۵ / ۹ / ۱۴۰۱ هـ ش ۲۰۲۲/۱۲/۶ م
د لوړو زده کړو وزارت مطبوعاتي دفتر
