د لېسانس په برخه کې د قزاقستان هېواد (۱۶) سيټه تحصيلي بورسونو خبرتیا!
Due
-
د افغانستان اسلامي امارت بهرنیو چارو وزارت د قزاقستان هېواد د رسمي مکتوب پر بنسټ لاندې شرایطو سره د لیسانس دورې لپاره د تحصیلي بورسونو د ورکړې خبر ورکړی دی:
د اړتیا وړ اسناد:
• لږ تر لږه د (۷۰) فيصدۍ سره د ښوونځي شهادت نامه درلودل،
• الکترونيکي تذکره،
• طبي څانګې په دې بورسونو کې شاملې نه دي،
د بورس لګښتونه:
• وړیا تحصيلي بورس،
• د تګ او راتګ د وېزې، خوړو او ټول لګښتونه د محصل په غاړه دي.
• په هغه صورت کې چې د محصل د نمبرو فيصدي د تحصيل په جریان کې له (۷۰) فيصده څخه کمه نه اوسې، د پوهنتونو له لوري يو څه اندازه پيسې ( د جيب خرچ) په نامه په نظر کې نېول شوي دي، ترڅو محصلان وکولای شي په يادو پيسې د ليليې فيس ورکړي.
نو همدې اساس هغه کسان چې غواړي يادو بورسونو ته نوم ليکنه وکړې، کولای شي د نوم ليکنې د فورم ترلاسه کولو په موخه د لوړو زده کړو وزارت د پذيرش عمومي دفتر (۱۳) شمېرې غرفې ته مراجعه وکړي او د فورم ډکولو او اسنادو بشپړولو وروسته دې د ۱۴۰۲ کال د ثور میاشتې ۳۰ مې نېټې پوري بېرته (۱۳) شمېرې غرفي ته وسپاري.
د يادونې وړ ده، چې ازموینه به د قزاقي هيئت له لوري اخېستل کېږي او لومړۍ مرحله کې به فقط (۳۰) تنه د ازموينې ورکولو په موخه انتخابېږي.
