د ۱۳۹۹ کانکور لس تنه مخکښ بریالي کسان د لوړو زده کړو وزارت رهبرۍ له خوا وستایل شول
د کانکور ازموینې لس تنو مخکښو بریالیو لپاره په جوړه شوې غونډه کې د لوړو زده کړو سرپرست او نوماند وزیر ډاکټر عباس بصیر یادو لسو تنو ته د مبارکۍ ویلو ترڅنګ د هغوی هڅې او زیار د دوی د کورنیو او افغانستان لپاره ویاړ وباله.
ډاکټر بصیر وویل : په پام کې ده چې شل تنه هغه بریالي محصلین به بهرنیو هېوادونو ته په بورسونو ولېږي چې تر ټولو زیاتې نومرې يې اخستې دي، هغه همداراز د هر ولایت د ۳ تنو مخکښو کسانو لپاره د بورسونو ورکولو ژمنه وکړه.
د لوړو زده کړو سرپرست او نامزد وزیر وویل: دغه وزارت نوې برنامې په پام کې لري، چې له مخې به يې د هېواد تحصیلي نظام د نړیوالو معیارونو سره سم غوره وضعیت خپل کړي.
د لوړو زده کړو نوماند وزیر ځوانانو په ځانګړې توګه آغلې شمسيې ته په خطاب کې وویل: د زده کړو لپاره ټینګه اراده لرل هیڅ خنډ او ستونزه نه مني، د هېواد ځوانان باید له شمسیې څخه الګو واخلي، درسونه ووايي او د ځان او خلکو لپاره ویاړ شي.
د کانکور عمومي اول نومره آغلې شمسیې د لوړو زده کړو وزارت د رهبرۍ څخه په مننې وویل: څنګه چې په کانکور کې ښه وځلېدم، هڅه کوم څو د هېواد څخه بهر د زده کړو په بهیر کې د هېواد او ملت لپاره ویاړ شم.
یاده غونډه لسو مخکښو ځوانانو ته لب ټاپ کمپيوټرونو په توزیع کولو سره پای ته ورسېده.
