د لوړو زده کړو وزارت داخلي تفتیش رییس، د لوړو زده کړو وزیر له لوري وستایل شو
د لوړو زده کړو وزارت د کورني پلټنې ریاست رئیس او یو شمېر کارکوونکي یې د لوړو زده کړو وزیر ډاکټر عباس بصیر لخوا وستایل شول.
د لوړو زده کړو وزیر ډاکټر عباس بصیر د دغه وزارت د کورني پلټنې ریاست د کلني فعالیتونو د پایلو پر بڼست په اداري او اکاډمیکو چارو کې د روڼتیا رامنځته کولو، په اجرااتو کې د اغېزناکتیا زیاتولو، د اداري فساد په وړاندې مبارزه، د معیارونه مراعاتول، د ننګونو د دوام مخنیوي او د عامه شتمنیو ساتنې لپاره د یاد ریاست څارونکي او پلټونکي وستایل.
همدارنګه هغه د لوړو زده کړو وزارت د کورني پلټنې له رئیس څخه مننه وکړه او له هغو یې وغوښتل چې د فساد پر وړاندې مبارزې، روڼتیا زیاتولو لپاره د احکامو او لارښوونو پلي کېدلو تعقیبولو ته زیاته پاملرنه وکړي.
ورپسې د دغه وزارت د کورني پلټنې رئیس غلام داوود شایق د لوړو زده کړو له وزیر څخه د مننې تر څنګ ژمنه وکړه چې په روڼتیا سره د کاري مسولیت د ترسره کولو لپاره او د دغه ریاست د موخو د پلي کولو لپاره به د پخوا په پرتله لا ډېر کار وکړي.
په پای کې د لوړو زده کړو وزیر لخوا د کورني پلټنې ریاست رئیس او کارکوونکو ته ستاینلیکونه وویشل شول.
