د لوړو زده کړو وزارت علمي معین په کابل کې د ترکیې سفارت د دیني چارو له سلاکار سره وکتل او د لوړو زده کړو وزارت له خوا د "دیوان" مجلې ته د اعتبار ورکولو په اړه یې بحث او خبرې وکړې
۲۱ مرغومی ۱۴۰۰
د لوړو زده کړو وزارت علمي معین په کابل کې د ترکیې سفارت د دیني چارو له سلاکار سره وکتل او د لوړو زده کړو وزارت له خوا د "دیوان" مجلې ته د اعتبار ورکولو په اړه یې بحث او خبرې وکړې.
د لوړو زده کړو وزارت علمي معین دوکتور لطف الله خیرخواه په داسې حال کې چې د دغه وزارت د یو شمېر مرکزي څانګو رئیسانو هم حضور درلود، د افغانستان په بېلابېلو برخو کې د ترکیې هېواد او خلکو له مرستو څخه قدردانی وکړ.
نوموړي دغه راز د څېړنې، تالیف او ژباړې ریاست ته لارښوونه وکړه، چې د لازمو علمي معیارونو له ارزونې وروسته یادې مجلې ته د اعتبار ورکولو د سند د صادرولو لپاره لازم اقدامات وکړي.
ښاغلي دوکتور خیرخواه له ترکیې څخه د هېواد د تحصیلي بنسټونو د علمي مجلو د جوړولو په برخه کې د علمي تجربو د شریکولو، ګډو علمي څېړنو او همکارۍ غوښتنه وکړه.
ورپسې په کابل کې د ترکیې سفارت د دیني چارو سلاکار دوکتور عبدالجلیل الپ کري د ټولنېزو علومو په برخه کې د علمي څېړنو د نړیوال ژورنال "دیوان" په اړه معلومات ورکړل او ویې ویل،
دغه مجله دوه کاله وړاندې د جوزجان پوهنتون په چوکاټ کې د افغان، ترکي او ازبک څېړونکو په همکارۍ جوړه شوې، چې د ترکيې د لوړو زده کړو له وزارت څخه يې علمي سند هم ترلاسه کړى دى.
هغه هېله څرګنده کړه چې د افغانستان د لوړو زده کړو وزارت به هم د باورلیک په صادرولو کې همکاري وکړي.
نوموړي دغه راز د ګډو علمي سېمېنارونو د جوړولو، د علمي اړېکو د پياوړتيا ، د علمي څېړنو او نورو علمي همکاريو په برخو کې د همکارۍ ژمنه وکړه.
د یادونې وړ ده چې د نړیوالې علمي مجلې مالي لګښت د ترکیې هېواد د حکمت خیریه بنسټ له خوا چې په افغانستان کې د ساینسي او بشري
