د لوړو زده کړو وزارت د کیفیت د تضمین او اعتبار ورکولو بورډ دا غونډه د دغه ریاست د رئیس شاکرالله وحیدي په مشرۍ جوړه او ترسره شوه.
د کیفیت د تضمین او اعتبار ورکولو بورډ غونډه ترسره شوه
شنبه، ۴ مرغومی ۱۴۰۰
د لوړو زده کړو وزارت د کیفیت د تضمین او اعتبار ورکولو بورډ دا غونډه د دغه ریاست د رئیس شاکرالله وحیدي په مشرۍ جوړه او ترسره شوه.
ښاغلي وحیدي د دې ناستې په ترڅ کې د لوړو زده کړو مؤسسو ته د اعتبار ورکولو د پروسې په ګډون د بیا کتنې د پیل په اړه خبرې وکړې.
همدارنګه د لوړو زده کړو وزارت د کیفیت د تضمین او اعتبار ورکولو بورډ غړو د غونډې له اجنډا سره سم خپل نظرونه شریک کړل او پرېکړه وشوه،چې د بیا کتنې یوه داسې مسلکي کمېټه جوړه کړي، چې د اعتبار لرونکو پوهنتونو په پروسه کې هغه پوهنتونه شامل کړي چې په شرایطو برابر وي.
دغه راز په دې غونډه کې د درېيو تحصيلي بنسټونو د بيا کتنې راپور چې له وړاندې د لوړو زده کړو وزارت د کيفيت د تضمين او اعتبار ورکولو رياست د مسلکي کتوونکو له خوا څېړل شوى و،پرې بحث او خبرې وشوې، چې په پایله کې یې لازم تصمیمونه هم ونیول شول.