دوکتور محمد عزیز کاظم د پروان پوهنتون نوي رئیس په حیث استادانو او کارکوونکو ته معرفي او رسماً یې په کار پیل وکړ
شنبه، ۳۰ سلواغه ۱۴۰۰
دوکتور محمد عزیز کاظم د پروان پوهنتون نوي رئیس په حیث استادانو او کارکوونکو ته معرفي او رسماً یې په کار پیل وکړ.
د یاد رئیس د پېژندنې مراسمو کې د پروان ولایت مقام مرستیال، د لوړو زده کړو وزارت د تهیه او تدارکاتو رئیس او رهبرۍ پلاوي او د دغه پوهنتون استادانو او کارکوونکو ګډون کړی وو.
د دغو مراسمو په پیل کې د لوړو زده کړو وزارت د تهیه او تدارکاتو رئیس قاضي عبدالنصیر ملازوی د پروان پوهنتون د نوي رئیس د پېژندنې ترڅنګ د پخواني رئیس پوهاند محمد همایون رسولي له کړنو او فعالیتونو مننه وکړه او ویې ویل:
موږ هیله من یو چې د پروان پوهنتون نوې رهبري به دغه علمي مرکز په اسلامي او علمي معیارونو سمبال کړي، څو ځوان نسل په اسانۍ سره خپلو زده کړو ته دوام ورکړي.
د پروان پوهنتون نوي ټاکل شوي رئیس دوکتور محمد عزیز کاظم هم د ا،ا،ا له رهبرۍ او د لوړو زده کړو وزارت د رهبرۍ له باور څخه خوښي څرګنده کړه او ویې ویل، د پروان ولایت د یوه اوسېدونکي په توګه به د پروان پوهنتون لپاره د سیمې او نړۍ د معتبرو پوهنتونونو په منځ کې د یو مناسب مقام د تر لاسه کولو لپاره خپلې وروستۍ هڅې وکړم
