د لوړو زده کړو وزارت اعلامیه
د ګرانو هېوادوالو او درنو رسنیو د پام وړ!
ټولو درنو هېوادوالو ته خبر ورکول کېږي چې د لوړو زده کړو وزارت سرپرست وزیر جلالتمآب شیخ عبدالباقي حقاني په ټولنیزو رسنیو کې کومه رسمي پاڼه نه لري.
په ټولنیزو رسنیو کې د ده په نوم ټولې جوړې شوې پاڼې جعلي دي او د یو شمېر مغرضو او ورانکارو خلکو او ډلو له خوا د عامه ذهنونو مغشوشولو په موخه جوړې شوې دي.
د یادونې وړ ده چې دغه فېسبوک پاڼه د لوړو زده کړو وزارت یوازېنۍ رسمي پاڼه ده، چې د لوړو زده کړو وزارت ټولې اعلامیې، اطلاعیې او د کاري فعالیتونو خبرونه له همدغې پاڼې خپرېږي.
ګران هېوادوال دې خبر وي
