د انګلستان د لوړو زده کړو نړیوالې درجه بندۍ سازمان د نړیوالې ارزونې د وروستي راپور له مخې، کابل پولي تخنیک پوهنتون وتوانېد چې د نړۍ د زرګونو تحصیلي نهادونو په منځ کې مهم مقام تر لاسه کړي.
د اقلیمې بدلون په برخه کې یې ۲۰۱ نمبر نړیوال مقام او د ارزانې او پاکې انرژۍ په برخه کې یې ۳۰۱ نمبر نړیوال مقام تر لاسه کړی دی.
یادې پایلې د انګلستان د لوړو زده کړو نړیوالي درجه بندۍ سازمان له خوا په رسمي ډول د ایمېل له لارې کابل پولي تخنیک پوهنتون ته استول شوې دي.
د یادونې وړ ده چې په نړیواله کچه له ۲۵۰۰۰ څخه زیات پوهنتونونه شتون لري، چې هر کال د لوړو زده کړو نړیوالې درجه بندۍ سازمان او د چین هېواد شانګهای سازمان په څېر د معتبره ادارو له خوا یې درجه بندي کېږي.
