د وردګ لوړو زده کړو موسسې د کتابتون ډېټابېس جوړ او ګټې اخیستنې ته وړاندې شو
په هغه غونډه کې چې په دې اړه جوړه شوې وه، د وردګ لوړو زده کړو موسسې رئیس پوهنیار مسعود حسن زي ډیجیټلي حکومتولۍ او ډیجیټلي حکومتولۍ لپاره په ادارو کې د انلاین او افلاین پرمختللو سیسټمونو شتون د نننۍ عصر غوښتنه وبلله او په دې برخه کې یې د پوهنتونونو پر رول ټینګار وکړ.
ده زیاته کړه چې دا ډېټابېس په کارونو کې د چټکتیا، روڼتیا، د کتابونو له زړښت څخه د مخنیوي او پر وخت د اجرااتو ترسره کولو په برخه کې یو بشپړ سیستم دی.
ورپسې د کتابتون مدیر محمد اصف فدایي په دې برخه کې د کتابتون مخکنیو ستونزو په اړه معلومات ورکړل او دا ډېټابېس یې په پوره مانا د مرکزي کتابتون لپاره یو بشپړ سیسټم یاد کړ.
