د لوړو زده کړو وزارت د داخلي پلټنې رئیس او ورسره مل پلاوي د دایکندي لوړو زده کړو او په دغه ولایت کې د ناصر خسرو خصوصي لوړو زده کړو مؤسسې څخه لیدنه وکړه
۱۴۰۰کال، د کب ۱۵مه
د لوړو زده کړو وزارت د داخلي پلټنې رئیس او ورسره مل پلاوي د دایکندي لوړو زده کړو او په دغه ولایت کې د ناصر خسرو خصوصي لوړو زده کړو مؤسسې څخه لیدنه وکړه.
د لوړو زده کړو وزارت د داخلي پلټنې رئیس انجنیر اکرام الله صهیب د یادو تحصیلي بنسټونو له مشرتابه، استادانو او کارمندانو سره د لیدنې پر مهال وویل، چې موږ ټول باید ځانونو د ا.ا.ا له پالیسیو سره سم کړو او په متحدانه ډول د خپل تحصیلي نظام د پرمختګ لپاره کار وکړو.
دغه راز انجنیر اکرام الله صهیب د یادو تحصیلي بنسټونو مسؤلانو ته له اوصولو سره سم د هر ډول همکاري ډاډ ورکړ او ورته ویې ویل، چې لوړو زده کړو وزارت دې ته ژمن دي، چې ستاسو اوصولي کارونه په خپل وخت سره تر سره کړي.
همدارنګه د یادو تحصیلي بنسټونو مشرتابه د لوړو زده کړو وزارت د پلاوي له ورتګ څخه د مننې تر څنګ، ژمنه وکړه، چې په خپلو تحصیلي بنسټونو کې به د لوړو زده کړو وزارت پالیسۍ عملي کوي.
