د لوړو زده کړو وزارت علمي معین دوکتور لطف الله خیرخواه په حضور کې د شیخ زاید پوهنتون د اسلامي ثقافت تخصصي ازموینه واخیستل شوه.
د لوړو زده کړو وزارت علمي معین د یادو بستونو نوماندانو ته د ازموینې د روڼتیا په اړه ډاډ ورکړ او ویې ویل چې د ازموینې پروسه په علني ډول د نوماندانو په حضور کې ترسره کېږي.
وروسته د شیخ زاید پوهنتون علمي مرستیال پوهنمل عبدالطیف رحیمي د ازموینې د طرزالعمل په اړه معلومات ورکړل او ویې ویل چې د عربي ژبې په ازموینه کې له بریاليو ۷۲ نوماندانو څخه نن تخصصي ازموینه اخیستل کېږي.
د یادولو وړ ده چې په تخصصي ازموینه کې بریالي کسان به د اسلامي ثقافت ۲۳ بستونو لپاره د پنج شنبې په ورځ تقریري ازموینه ورکړي.
