د لوړو زده کړو وزارت د دعوت او ارشاد رئیس شیخ شکرالله وحدت په مشرۍ د لوړو زده کړو وزارت د څارنې او ارزونې هیئت
4/11/1443
14/3/1401
د لوړو زده کړو وزارت د دعوت او ارشاد رئیس شیخ شکرالله وحدت په مشرۍ د لوړو زده کړو وزارت د څارنې او ارزونې هیئت د مسقبل خصوصي لوړو زده کړو مؤسسې څخه لیدنه وکړه.
په دغې لیدنه کې، چې د خصوصي پوهنتونونو د اتحاديې استازي هم ګډون درلود، لومړی یې د یادې تحصیلي ادارې له مشرتابه سره ناسته وکړه او بیا یې یادې مؤسسې له استاذانو او محصلینو سره وکتل.
د دعوت او ارشاد رئيس په خپلو خبرو کې د ديني او اسلامي ارزښتونو د ساتنې په برخه کې د عصري او ديني علومو زده کړه د هېواد له جدي اړتياوو څخه وبلله او ټينګار يې وکړ، چې د تحصیلي نظام د پياوړتيا او د لوړو زده کړو وزارت پروګرامونو پلي کولو لپاره بايد ټول په ګډه کار وکړو.
دغه راز د مستقبل خصوصي لوړو زده کړو مؤسسې رئيس پوهنمل ډاکټر شفيق الله امين خصوصي تحصيلي مؤسسو ته د لوړو زده کړو وزارت له پاملرنې مننه وکړه او ډاډ يې ورکړ، چې د لوړو زده کړو وزارت کړنلاره او ټول پروګرامونه به عملي کوي.
