البیروني پوهنتون کې د ۱ میلیون ۷۸۲ زره افغانیو په ارزښت، عصري او مجهز الکترونیکي کتابتون پرانیستل شو.
یاد کتابتون د لوړو زده کړو وزارت په مالي لګښت جوړ شوی دی، چې د پرانیستې په مراسو کې یې د البیروني پوهنتون رییس مفتي وقایت الله وقار حنفي، د کتابتون پر اړتیا او ارزښت خبرې وکړې او دغه کتابتون یې د محصلانو، استادانو او څېړونکو لپاره یو اساسي علمي ملاتړ وباله.
د یادونې وړ ده، چې دغه کتابتون د نوې ټکنالوژۍ پر مټ په مجهزو کمپیوټرونو سنبال جوړ شوی، چې د انلاین مطالعې، برېښنايي اسنادو ته لاسرسي او د عصري څېړنو لپاره ځانګړي امکانات لري.
