د ژباړې، تألیف او څېړنې رئیس په مشرۍ هیت د بلخ پوهنتون څخه لیدنه وکړه.
۱۴۰۰کال، د مرغومې ۲۷مه
د ژباړې، تألیف او څېړنې رئیس په مشرۍ هیت د بلخ پوهنتون څخه لیدنه وکړه.
د لوړو زده کړو وزارت د ژباړې، تألیف او څېړنې رئیس مولوي محمد داود حقاني چې د وزارت اکاډمیکو چارو مشاور او ارزونې او څارنې رئیس پوهنمل دوکتور محمد ولي حنیف یې ملتیا کوله د بلخ پوهنتون څخه لیدنه وکړه.
په دغه لېدنه کې یاد پلاوي د بلخ پوهنتون د ژباړې، تألیف او څېړنې غړو او بلخ پوهنتون علمي مجلو او معارف له کتنپلاوي سره جلسې او علمي مباحثې وکړې او د وزارت د پلانونو او اهدافو د تطبیق په برخه کې یې د بلخ پوهنتون له مشرتابه او علمي کادرونو د همکارۍ غوښتنه وکړه.
همدا رنګه ښاغلي حقاني د بلخ پوهنتون له علمي کادرونو څخه وغوښتل، چې د بلخ پوهنتون په کچه یو نړیوال ژورنال رامنځ ته کړي، ترڅو نړیوال اعتبار خپل کړي.
دغه راز یاد پلاوي د بلخ پوهنتون د څېړنو له مرکز، معلوماتي ټکنالوژۍ، رسنېز مرکز، علمي مجلې، د پوهنتون له تدریسي او اداري ودانیو او همدارنګه د نجونو او هلکانو د لیلې له ودانیو څخه هم لیدنه وکړه.
