د لوړو زده کړو وزارت مالي او اداري معین مولوي حافظ محمد حامد حسیب د چارو د لا چټکتیا او سمون په موخه د دغه وزارت بشري سرچینو له مسؤلینو سره وکتل.
۱۴۰۱کال، د وري ۲مه
د لوړو زده کړو وزارت مالي او اداري معین مولوي حافظ محمد حامد حسیب د چارو د لا چټکتیا او سمون په موخه د دغه وزارت بشري سرچینو له مسؤلینو سره وکتل.
یاده ناسته د قرانکریم په مبارکو ایتونو پیل شوه، چې د لوړو زده کړو وزارت مالي او اداري معین د بشري سرچینو رئیس محمد ادریس اخندزاده او کاروکوونکو د تېرو کارونو راپور واورېد، د هغوی کړنې یې وستایلې او د راتلونکو پلانونو لپاره یې لازمې لارښوونې ورته وکړې.
د لوړو زده کړو وزارت مالي او اداري معین مولوي حافظ محمد حامد حسیب په راتلونکي کې د یوه باکیفیته او منظم تشکیل پر جوړښت او په چارو کې د ښه نیت په درلودلو ټینګار وکړ. دغه راز نوموړي د بشري سرچینو مسؤلینو ته سپارښتنه وکړه، چې د کارمندانو د ظرفیت لوړولو لپاره ورکشاپونه او سیمنارونه جوړ کړي، تر څو کارمندان په سمه توګه خدمات وړاندې کړای شي او ناسته په دعاء سره پای ته ورسېده.
په پام کې ده چې مالي او اداري معین د دغه معینیت تر اثر لاندې ریاستونونو له مسؤلینو سره، د هغوی د چارو د ښه والي په موخه نوبتي ناستې ولري.
