د پوهنتونونو او لوړو زده کړو مؤسسو د محترمو استاذانو او علمي کادرونو د پام وړ!
د پوهنتونونو او لوړو زده کړو مؤسسو د محترمو استاذانو او علمي کادرونو د پام وړ!
1 په تدریسي او رسمي وختونو کې د ټولو استاذانو حاضري اړینه او تدریس ي چارو ته پوره توجه کول لازمي دي.
2 استاذان باید خپلو ټولو تدریس ي، تحقيقي او اداري مسئولیتونو ته متوجه ش ي او خپل ټول مکلفیتونه تر خپلو مسئولیتونو پورې محدود کړي.
3 استاذان باید په رسمي وخت کې له هر ډول اضافي مصروفیتونو او شخص ي کارونو څخه ډډه وکړي او خپل ټول رسمي وخت د خپلې رسمي دندې اړوندو چارو ته ځانګړی کړي.
4 استاذان باید په نبوي اخلاقو سمبال وي، سیرت او صورت یې د زده کړیالانو لپاره یوه ښه بېلګه او نمونه وي.
5 استاذان باید د نیمګړیو درسونو تکمیل ته پوره پاملرنه وکړي، ترڅو په ټاکل شوي وخت کې د درسونو بهیر بشپړ شي.
6 استاذان باید د زده کړیالانو اخلاقي تربیت ته ځانګړې توجه وکړي او دوی ته داسې افکار منتقل کړي، چې له یوې خوا د اسلام له مقدس دین سره او له بلې خوا د هېواد له ملي ارزښتونو سره په ټکر کې نه وي.
7 استاذان باید زده کړیالان وهڅوي، چې خپل سیرت او صورت په نبوي سنتو برابر کړي، په شرعي او ملي جامه کې خپلو درسونو ته حاضر ش ي.
8 استاذان باید زده کړیالانو ته سالمه او ملي روحیه ورکړي او له هر ډول ژبني، سمتي او قومي تبعیض څخه یې وژغوري.
9 استاذان باید په تدریس ي بهیر کې د وخت له نویو او مثبتو تجربو څخه کار واخلي، ترڅو زده کړیالان د دې جوګه ش ي، چې د اسلامي افغانستان اړتیاوې او ضرورتونه پوره کړي او ګران هېواد له نورو هېوادونو سره سیال کړي.
10 استاذان باید هغه زده کړیالانو ته توصیه وکړي، چې غیرحاضري کوي، د درس ي وختونو پوره پابندي نه کوي او یا د درسونو په تعقیب او زده کړه کې بې غوري کوي.
