د لوړو زده کړو سرپرست وزیر د تخنیکي او مسلکي زده کړو ادارې د محصلانو فراغتغونډه کې ګډون وکړ.

ameen_admin
چهارشنبه ۱۴۰۳/۵/۳ - ۱۱:۲۸
dfdssdsdfdsf


په دغې فراغتغونډه کې چې د کابل پوهنتون په تالار کې جوړه شوې وه، د لوړو زده کړو سرپرست وزیر شیخ الحدیث مولوي نداء محمد ندیم ټولو فارغانو ته مبارکي وویله او راتلونکو مسؤلیتونو ته یې متوجه کړل.
هغه فارغانو ته په خطاب کې وویل، دا ستاسو مسؤلیت دی چې څه مو زده کړي، د نورو د خیر لپاره یې استعمال کړئ او نورو افغانانو ته یې ورسوئ.
د لوړو زده کړو سرپرست وزیر همدا راز زیاته کړه: «پر تاسو د دې هېواد سرمایه مصرف شوې، د دیني او افغاني وجدان له مخې د دې ملت خدمت وکړئ او له خپل هېواد او خلکو سره وفادار پاتې شئ.»
سرپرست وزیر همدارنګه دیني او عصري زده کړې جدي اړتیاوې وبللې او له ځوانانو یې وغوښتل چې په دواړو برخو کې د اسلام احیا په نظر کې ونیسي.
نوموړي فارغان لوړو زده کړو ته وهڅول او ډاډ یې ورکړ، چې د لوړو زده کړو په برخه کې به ورته اړینې اسانتیاوې برابرې کړي.
تخنیکي او مسلکي زده کړو اداره دوه کلن تعليمي سیستم لري چې په مسلکي او تخنیکي برخو کې مسلکي کسان روزي.
د یادونې وړ ده چې له دغې ادارې څخه سږ کال ۱۳ سوه زده کوونکي فارغ شول، چې د فراغت په مراسمو کې یې د ا.ا.ا د کابینې غړو، د فارغانو کورنیو او د رسنیو استازو ګډون کړی و.

تازه خبرونه

دوشنبه ۱۴۰۴/۵/۲۷ - ۱۶:۱۶
Background image

د ا.ا.ا رئیس الوزراء حفظه الله د لوړو زده کړو وزارت له لوري په کابل پوهنتون کې د تحصیلي نظام پیاوړتیا په موخه جوړه شوې غونډه کې ګډون او وینا وکړه

 

د تحصیلي نظام پیاوړتیا په موخه جوړې شوې غونډې ته، چې د مرکزي پوهنتونونو رهبري پلاوي، د پوهنتونونو استادانو او ولایتونو علماء کرامو ګډون پکې کړی و، د ا.ا.ا رئیس الوزراء محترم الحاج. . .

یکشنبه ۱۴۰۴/۵/۲۶ - ۱۶:۳۳
Background image

په لوړو زده کړو وزارت کې د مرکزي زون خصوصي پوهنتونونو مسؤلینو لپاره د عالیقدر امیرالمؤمنین حفظه الله تعالی ورعاه فرامینو د تشریح یو ورځنی سمینار دائر شو 

 

په یاد سمینار کې، چې په خصوصي پوهنتونونو کې د امیرالمؤمنین حفظه الله تعالی د فرامینو د تشریح او تطبیق په موخه جوړ شوی و، د لوړو زده کړو وزیر محترم شیخ الحدیث مولوي نداء محمد ندیم د. . .

شنبه ۱۴۰۴/۵/۲۵ - ۱۵:۴۵
Background image

د لوړو زده کړو وزیر د بامیان پوهنتون ۶۲۰ تنو محصلینو په فراغتغونډه کې د ګډون تر څنګ په دغه پوهنتون کې یو شمېر پروژې افتتاح کړې

 

د لوړو زده کړو وزیر محترم شیخ الحدیث مولوي نداء محمد ندیم بامیان ولایت ته د خپل رسمي سفر پر مهال د بامیان پوهنتون محصلینو فراغتغونډه کې محصلینو ته وویل چې په خپل مسلک کې تخصص او کار. . .

BACK TO NEWS