د کابل پولي تخنیک پوهنتون نوښتګرو محصلینو خپل نوښتونه د لوړو زده کړو وزارت د محصلانو چارو سرپرست معین په حضور کې وړاندې کړل.
د لوړو زده کړو وزارت د محصلانو خدمتونو د همغږۍ ریاست په همغږۍ د کابل پولي تخنیک پوهنتون مختلفو پوهنځيو محصلینو د ډرون او جېټ الوتکو، د ککړې هوا د مخنیوي او کرنې اړوند خپلې پروژې او نوښتونه وړاندې کړل.
د لوړو زده کړو وزارت د دولتي محصلانو رئیس او د محصلانو معینیت سرپرست استاد حامد یعقوبي د یادو محصلینو نوښتونه وستایل، هغوی یې خپلو کارونو ته وهڅول او ډاډ یې ورکړ چې لوړو زده کړو وزارت به په لوړه کچه د کارونو زمینه ورته برابره کړي.
دغه راز د لوړو زده کړو وزارت د محصلانو خدمتونو د همغږۍ رئیس استاد کلیم الله محمدي وویل چې د هېواد ټولو تحصیلي بنسټونو نوښتګر محصلین به راټولوي او د هغوي له نوښتونو او اختراعاتو څخه به ګټه اخلي.
همدارنګه یادو محصلینو د لوړو زده کړو وزارت پر هڅونې خوښي وښوده او د لا نورو نوښتونو لپاره یې د وسایلو برابرولو غوښتنه وکړه.
نېټه: چهارشنبه
۵/۷/۱۴۴۵هـ ق ۲۷/۱۰/۱۴۰۲هـ ش ۱۷/۱/۲۰۲۳م
