لوړو زده کړو وزارت د کابل زون له شاوخوا ۳ زره علماء کرامو څخه د عالميې مرحلې (ماسټري) اسنادو د ارزونې دویم پړاو ازموینه واخیسته.
نن لوړو زده وزارت په کابل پوهنتون کې د کابل زون هغو علماء کرامو څخه د عالميې مرحلې (ماسټري) اسنادو اروزنې ازموینه واخیسته، چې د ۱۴۴۵هـ ق کال د شعبان میاشتې له ازموينې څخه پاتې وو او یا یې تر هغې وروسته دې ازموینې ته نوملیکنه کړې وه.
له یادې ازموینې څخه د لوړو زده کړو وزارت مشرتابه پلاوي او د دیني جامعاتو او تخصصاتو لوی ریاست مسؤلینو جدي څارنه کوله او ټولو ګډونوالو ته یې د ازموینې د روڼتیا په اړه ډاډ ورکړ.
نېټه: جمعه
۱۴۴۶هـ.ق، د ربیع الال ۴مه
۱۴۰۳هـ.ش، د سنبلې ۱۶مه
۲۰۲۴م، د سپټمبر ۶مه
