د شيخ زايد پوهنتون انجينري پوهنځي محصلانو پکتیکا، غزني او کابل ولایتونو ته علمي سفر وکړ.

د شيخ زايد پوهنتون انجينري پوهنځي ۶۲ محصلانو د پنځو تنو استادانو په ملتيا د پکتيکا، غزني او مرکز کابل له ځينو زېربنایي پروژو څخه د لیدنې په موخه علمي سفر وکړ.
په دې سفر کې د استادانو او پروژو مسؤلینو لخوا محصلانو ته د انجنیري اړوند بېلا بېلې ودانۍ، لابراتوارونه، د لابراتوارونو ځينې آزموینې او همدا ډول د بندونو اړوند تشریحات ورکړل شول.
 همدارنګه په یاد علمي سفر کې د پکتيکا ولایت یوسف خېلو ولسوالۍ کې جوړیدونکي يو پُل ساختمان څخه چې په کم مصرف سره د جوړېدو په حال کې دی، ليدنه وشوه. دغه راز د غزني ولایت سردې بند او مرکز کابل شکر درې ولسوالۍ د شاه او عروس بند څخه لیدنه وشوه، چې د يادو بندونو د ساختمان او ډيزاين په اړه محصلانو سره ګټور معلومات شريک شول، چې د محصلانو عملي زده کړو لپاره ضروري و.
نېټه: دوشنبه
۱۴۴۶هـ.ق، د محرم الحرام ۲مه
۱۴۰۳م، د سرطان ۱۸مه
۲۰۲۴م، د جولای ۸مه