پکتیا پوهنتون کې د کابل پوهنتون باندې د وروستي برید شهیدانو روح ته د قرآنکریم ختم او سولییز لاریون تر سره شو.
په یادو مراسمو کې د پکتیا والي ښاغلي محمد حلیم فدایي، د پکتیا ولایت ولایتي شورا رییس عبدالمالک مجاهد، د پوهنتون رییس پوهندوی دوکتور سید ولي جلالزي، د علماوو شورا رییس، د اطلاعاتو او فرهنګ رییس، د ولایتي شورا یو شمیر وکیلانو، د بېلابیلو ولسوالیو ولسوالانو، قومي مشرانو، د بېلابیلو ادارو منسوبینو، د پکتیا پوهنتون استادانو او په زرګونه محصلینو ګډون درلود.
د پکتیا پوهنتون رییس پوهندوی دوکتور سید ولي جلالزي په خپلو خبرو کې دا ډول بریدونه، چې په تعلیمي او علمي مراکزو تر سره کیږي، یو لوی او نه بښونکی جنایت یاد کړ. ورپسې د علماوو شورا رییس، د ولایتي شورا رییس او د یو تن د محصلانو په استازیتوب خبرې وکړې. دوی پر کابل پوهنتون وروستۍ وحشیانه پېښه په کلکه وغندله او دا یې یو غیر اسلامي او انساني کړنه یاده کړه.
د یادو مراسمو ګډونوالو لخوا یو پریکړه لیک صادر شو، چې د ژبو ادبیاتو پوهنځي رییس بصیر احمد یاد لخوا ولوستل شو.
