په باميان پوهنتون کې د عاطفي درملنې ورکشاپ پای ته ورسې
د اتريش له زیکموند فرويد پوهنتون سره په همغږۍ، د باميانو د پوهنتون د عاطفي درملنې د يوولس ورځني ورکشاپ پای
د «عاطفي درملنې او نېشو د پرېښودو» تر عنوان لاندې يوولس ورځنی ورکشاپ چې په باميانو پوهنتون کې د اتريش هېواد د زيکموند او باميان پوهنتون تر منځ جوړ شوی و، په بريا سره پای ته ورسېد.
د دې ورکشاپ په پای کې د باميان پوهنتون علمي مرستيال ډاکټر محمد ظاهر «فايز» د بامیان پوهنتون د يو شمېر استادانو او محصلينو په حضور د يوه محفل په ترڅ کې، د ډاکټرې کارين سټارک هڅې او زحمتونه چې له المان هېواد يې تشريف راوړی و وستايل. علمي مرستيال زیاته کړه د افغانستان په څېر جګړه ځپلو هېوادونو کې، د عاطفي درملنې برخه مهمه او د ټولنې له اړينو اړتیاوو شمېرل کېږي چې نه يوازې د عاطفي درمنلې په وړاندې بايد په پوهنتونونو، روغتونونو او کلينيکونو کې ډېری کارونه ترسره شي بلکې اړينه ده چې د لوړو زده کړو وزارت دا موضوع د اکاډميکو بنسټونو په درسي کوريکولم کې ځای پر ځای کړي.
مېرمن کارين سټارک د باميانو پوهنتون له محصلينو او استادانو څخه د مننې تر څنګ ژمنه وکړه چې په راتلونکي کې به هم په باميان پوهنتون کې پروګرامونه ولري او د تربيتي علومو او ارواپوهنې له محصلينو سره به علمي کارونه ترسره کړي.
پروګرام مېرمن کارين سټارک ته د باميان پوهنتن د علمي معاونيت او د تربيتي علومو او ارواپوهنې د محصلينو له لوري د ډاليو او محصلينو ته د سرټيفيکيټ په ورکړې سره پای ته ورسېد.
