د لېسانس په کچه د اندونیزیا هېواد د تحصیلي بورسونو خبرتیا!

baqir_admin
ل

Due

-

د اندونیزیا هېواد Sebelos Maret  پوهنتون لوړو زده کړو وزارت ته د لېسانس په کچه د ۲۱ تحصیلي بورسونو خبر ورکړی دی.

د بورس د اړتیا وړ اسناد او شرایط:

          شهادتنامه او د ښوونځي درې کلنې نومرې چې سلنه یې لږ تر لږه ۷۰ وي

          د تابیعت پېژندپاڼې درلودل

          د پاسپورټ درلودل چې د باور وخت یې لږ تر لږه ۲ کاله وي

          د داوطلب عمر باید له ۲۵ کالو زیات نه وي

          د داوطلب ټول اسناد باید په انګرېزي ژبه ژباړل شوي وي

          داوطلب باید د اندونیزیا ښاروند نه وي

نوملیکنه په انلاین بڼه په http://spmb.uns.ac.id  https://uns.ac.id وېبپاڼه کې کېږي او نوملیکنه د ۲۰۲۱ کال د مې میاشتې له ۱۷مې چې د غویي له ۲۷مې سره سمون لري، پیل او د ۲۰۲۱ کال، د جولای ۳۰مې پورې چې د ۱۴۰۰ کال د زمري ۸مې نېټې سره سمون لري، دوام لري. دغه راز له ټاکل شوې نېتې وروسته داوطلبان نه منل کېږي.

د یادو بورسونو په اړه د لا زیاتو معلوماتو لپاره له humas@mail.uns.ac.id برېښنالیک سره اړیکه ونیسئ.

د بورس امتیازونه:

          د پوهنتون د فیس لګښت، د ژبې د زده کړې فیس، د اوسېدو ځای، روغتیایي بیمه او په پوهنتون کې نوملیکنه وړیا ده.

          د الوتکې ټکټ او نور لګښتونه پخپله د داوطلب پر غاړه دي.

نو ټولو د شرایطو وړ مینوالو ته خبر ورکول کېږي چې که غواړي په یاد هېواد کې تحصیلي بورسونو ته نوملیکنه وکړي، په پورته وېبپاڼه کې له انلاین نوملیکنې سربېره کولای شي چې د نوملیکنې او فورم ترلاسه کولو لپاره د لوړو زده کړو وزارت منښت ۲۱مې عمومي غرفې ته له خپلو اصلي اسنادو سره یو ځای ورشي او خپل اسناد د ۲۰۲۱ کال د جولای ۱۵مې پورې چې د ۱۴۰۰ کال د چنګاښ له ۲۴مې سره سمون لري، دغه وزارت ته وسپاري.

دانلود